Pikir öwrümleri

PIKIR ÖWRÜMLERI

Durmuş her bir islän zadyňy edip durmaýar. Ol ýazgyda görä hereket edýär.

***

Allatagala hiç kime göterip bilmejek ýüki ýüklemez. Şonuň üçin, ejizleme, hiç wagt ,,Ýüküm agyr!" diýme!

***

Ýeňmek üçin ýeňlip görmeli.

***

Nebsiňi doýuryberseň, köp zat islär. Iň soňunda, oňa özüňem bermeli bolarsyň!

***

Seniň ilkinji mugallymyň ÖZÜŇSIŇ!

***

Ak dişim, gara dişim,
Saňa näme? Öz işim!

***

Bu dünýä mal-baýlyk alyp gelmedik. Alybam gitmeris!

***

Bergim galandan algym galsyn.

***

Hiç kimsäni pes görme. Beýik daga çykmak üçinem, ilki aşagyndan - pesinden dyrmyşmaly.

***

Käte biz haýsy-da bolsa bir wagta garaşýarys, wagt bolsa hiç kime garaşmaýar!

***

Az salymlyk dünýäde köp wagtyňy biderek geçirmek utulmakdyr.

***

Haramdan köşgüm bolandan, halaldan külbäm bolsun!

***

"Çyn dost bähbit gözlemez" diýipdirler. Bähbit gözlemeýän dosta duşdummykam?

***

Päk suw kiri ýuwar, çyn toba günäni.

***

Ynsanlar şeýle: sen olara kömek edersiň, ýagşylyk edersiň, ýöne birdenkä olaryň ýekeje haýyşy bitmedik ýagdaýynda, göwün guşuñ näzik perlerini çirkizýän alawly sözleri eşidersiň!

***

Bolmajak zat ýokdur, mañlaýda ýazylany bardyr.

***

Bu bir dünýä müň iş bilen geldim. Ýetişermikäm?!

Nury SAKÇYÝEW.