03:18 Poeziýa duýgudaşlyk | |
| POEZIÝA DUÝGUDAŞLYK (G. Ezizowa) Ne beýle tukat sen, Gözleňde gubar. Birtopar jalataý ýigitler bilen, Beýikligňe bakman, berkligňe bakman, Oýnap otyrsyň humar. Duman gaplap alyp äpet seriňi, Düşnüksiz oýlara berilip ýörsüň. Dursuň gapylarda syryp deriňi, Barmaly gapyňy saýgarmaýarsyň. Roýuň agyr oýda, halyň perişan, «Saralan bu seleň sährany synlap», Girip barýaň ol ýuwdarha girdaba, Gitdigiçe asgynlap. Men saňa düşünýän, Düşündikçe eýmenýän. Bu gün ýas büräpdir gohly güzeriň. Bir saňa düşünýän, Bir saňa uýýan, Galplary eleýän. Hem asman kybapdaş gözleri bile, Ýürekleri eýelän. Ýok indi dünýäde iň eziz dostuň, Sen onuň hossary, O seniň hossaryň — GURBANNAZARYŇ. * * * Eger onuň göwnün ýykjak bolsaňyz, Ýalandan ýykmaň. Çyndan ýykyň, Gaýdyp dikelmez ýaly. Arzuwyn, umydyn ýakjak bolsaňyz, Köredip goýmaň, Kül ediň, Uçgunam döremez ýaly. Şatlanan gününde üýşüp daşyna, Gussa bürenende, Gaçyň-da, Geçiň siz, Kalbyňyz goraň. Ol ýeke-de çeker, asla basylmaz, Derdi elemden. Onuň betbagtlygy size bagt berip, Gussa çoýsa ruhunyň barlygy. Ruhy guluňyz, Ýok edip ony. Ýedi gat Zeminiň astyna gömüň, Dirilmez ýaly. Ýöne welin indi galp sözler bilen, Iki dünýäň dälisine öwürmäň. Başarmasaňyz-da Pursat dörediň, Ýaşary ýaly. Maksatmyrat ÇARYÝEW. | |
|
| |
| √ Üzärlik / Goşgular - 06.01.2023 | |
| √ Söýginiň güýji / Goşgular - 07.01.2023 | |
| √ M.A.Врубелю / Goşgular - 09.01.2023 | |
| √ Одиночество / Goşgular - 25.01.2023 | |
| √ Осёл в уборе / басня / Goşgular - 14.02.2023 | |
| √ Şygyr ekeni / Goşgular - 06.01.2023 | |
| √ Unutdym / Goşgular - 08.01.2023 | |
| √ «Когда читала ты мучительные строки…» / Goşgular - 15.02.2023 | |
| √ Ene / Goşgular - 10.02.2023 | |
| √ «Когда мы любим безотчётно…» / Goşgular - 10.02.2023 | |
| Teswirleriň ählisi: 2 | |
|
| |
0
