20:39 Pulsuz günüm. Duşuşykda | |
PULSUZ GÜNÜM. DUŞUŞYKDA Gel, şu gije teatra gitmäli, Görmedigmiz kino bolsun şu gije. Biz bu gije näme edeli diýsene, Ýyldyzlara syn edeli bileje. Seýl edeli ýyldyzlaryň mülküne, Bileje sanaly Ýedigeni biz. Diýýärler her kimiň ýyldyzy barmyş, Belki-de taparys öz ýyldyzymyz. Asmana kakylan bu tylla çüýler Şaýadydy başky duşuşygmyzyň. Ýadyňdamy, saňa söz aýdan gijäm Astynda nurana Aý yşygynyň?! Şonda ýüregime sygmadyk yşkym Bir goşga salypdym kalpdan körügen. Dünýäm, maňa seni bereni üçin, Şol goşgymy gowy görýän özümem. Ýene okap bereýin şol goşgyny, Söýgä siňen didelerňe seredip. Ýöne öz ýanyňdan diýmeseň bolýar: “Bü-ýä halys, ýadatdy-la ýöredip.” Ýyldyzlaň astynda, Aý yşygynda Gezim etmek taýsyz lezzetdir, dünýäm. Ýene bir syr açaýynmy? Söýginiň Bezegi pyýada gezmekdir, dünýäm. Isleseň, asyl-ha ulaga münmän, Pyýadaja ugradaýyn öýňüze. Belki, uzar şonda bu süýji pursat, Gözlem gözleriňde köpräk güýmener. ...Gözelim gözlerni gözlerme dikýär, Gözlerni dikýär-de, dymýar ýylgyryp... Söýüşmek her näçe ajap bolsa-da, Şonçarak kyn eken talyp ýyllaryň. 26. 03. 2011 ýyl | |
|
√ Tazy / Goşgular - 30.01.2024 |
√ Ýagyş damjasy / Goşgular - 24.03.2024 |
√ Perişan kalbyñ umydy / Goşgular - 01.01.2024 |
√ Şert / Goşgular - 09.02.2024 |
√ «Отвергнув гордое сомненье…» / Goşgular - 29.02.2024 |
√ Ýolbars we Möjek / basnýa / Goşgular - 05.01.2024 |
√ Rubagylar / Goşgular - 13.01.2024 |
√ Dostluk hakda / Goşgular - 18.02.2024 |
√ Gije hem gündiz / Goşgular - 07.02.2024 |
√ Kyrk ýaşa ýüzlenme / Goşgular - 03.02.2024 |
Teswirleriň ählisi: 0 | |