PYÝADA YKBAL
"Atlylar deňiňden geçse seredip,
Sen oňa kemsinme, pyýada ykbal!"
Oguljemal ÇARYÝEWA.
«Atlylar deňiňden geçse seredip,
Sen oňa kemsinme, pyýada ykbal!»
Bu soňy näbelli heňňam ýollarda,
Bagtyň azaşaýan bolmagy ahmal.
Gam läbigne bulama:ly bagtymyz,
Azaşan ýoluny düzeder hökman.
Agyr synaglardan doly heňňamy,
Geçireli, gözden dür monjuk dökmän.
« Atlylar deňiňden geçse seredip,
Sen oňa kemsinme, pyýada ykbal!»
Durmuş bizi şu günlere ýetirdi,
Galanynam alyp çykarys hökman.
Bilýän,
Agyr dertler görüldi rowa,
Durmuşdyr-da, ýaşan ýokdur dert çekmän.
Munda kän ýanyňda dogan deý bolup,
Kyn güne düşeňde, öňe iteklän.
« Atlylar deňiňden geçse seredip,
Sen oňa kemsinme, pyýada ykbal!»
Özümize berlen çäkli ömürde,
Ýürek arzuwlarna ýeteris hökman.
Gaýgy-hasrat ýöretmesin hökmüni,
Bizem at müneris, pyýada ykbal.
Öňümizde böwet ýokdur, sebäbi
Kümüş saçly enem dileýär ak ýol.
Sülgün BAZAROWA.
|
