22:39 Rubagylar | |
RUBAGYLAR
Şugulçy az bolan däldir hiç zaman, Bu gün menem ondan diledim aman. Doganydyr, megerem, ol ajalyň, Ajal näme? Belki, ajaldan ýaman. *** “Müň sözünden biri gerek däliniň”, Diýen atam, ýadymdadyr tälimiň! Şindiki dälileň tarypyn etsem, Her sözünde müň telek bar, däninim. *** Biz näme? Bizden öň aýdylan gep kän, Şer gülläpdir, haýyr işlere çep kän. Belki-de, bu şeýle bolmalydyr-da, Diýseňem-ä, atam sözüne jet kän. *** Kime gerek nadyl bolup gezeniň, Ýüregiňi adyl bolup ezeniň. Horjun ýüküň eýlenipdir gussadan, Kim iýip ýör seň iýmeli heseliň? *** Günäm bolsa öt – diýdim, Adam bary göt – diýdim. Ýüzüňe gülüp bakarlar, Içleri weli tot – diýdim. *** “Hakykat” ýoluna mydam jet - diýip, Yzlaryna adam saldyk bet - diýip. Dönügem az bolan däldir, elbetde, Haýp, niçeleri itdik göt - diýip. *** Gully han işine akylym haýran, Niçeme janlary edendir weýran. Gülün çirtýär nebir bagy-bossanyň, Oňa boýun, alajy ýok han hanan. • IKILEME Behişt diýilýäni çyn bolsa eger, Ymamyny satyn alsa bor meger... | |
|
√ Düýşgowuran / Goşgular - 08.04.2024 |
√ Owadan pyçak hakynda erteki / Goşgular - 09.04.2024 |
√ Garaş maňa / Goşgular - 17.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Ynanarmykan? / Goşgular - 30.01.2024 |
√ Kyrk ýaşa ýüzlenme / Goşgular - 03.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Gökdepäm / Goşgular - 22.03.2024 |
√ Bagyşla! / Goşgular - 01.01.2024 |
√ Günüñ monology / Goşgular - 01.01.2024 |
Teswirleriň ählisi: 3 | ||||
| ||||