Ruhdaşyma

RUHDAŞYMA

Dördi kem otuz ýyl "görüşmedik" biz,
(Göwün görmedignem küýseýär aşa.)
Haýp geçdi ýaşlygym — iň oňat ýyllam,
Haýran, bilipdirin şunça ýyl ýaşap...

Görmedik gözlerim janymy alýar,
Eşdilmedik sesiň maňa "allan"-dyr.
Ruhum güllän bolsa ýekeje ýerde,
Bir ýerlerde saňa duşup gülländir...

Hatyň ýok.
Habar ýok —
Höwes ýok.
Dynç ýok
Ejiriň dürlüsin gören ýürekde.
(Heýhat, ruhum, indi nämä örtenýäň?!
Geziber howaýy göwün ýüwürt-de!)

Ýetdik paýym — ömrüm gury ýaşalar,
Sataşmasam saňa ýyllaň birinde.
Gowulyga ýorgun, gama batmagyn
Bir perişan düýşleriňe giremde...

04.11.2018 ý.

Sapa HOMMADOW.