13:06

Şahyrlar ölmeýär...

ŞAHYRLAR ÖLMEÝÄR...

(Şahyr Mämmetnazaryň ruhuna degsin)

Ýalan!
Zandy şahyr ölmeýär asla,
Mertebesin jaýlap bolarmy halkyň?!
Hatda, kölgesinem birugsat basmaň,
Şahyr — il içinde seýreklän alkyş.

Kim goşgujyk ýazyp, juda peseler,
Şygyr — şahyrlaryň näzli dilberi.
Pylan, Pylan dagylara, meselem,
Dem alsa-da, diri diýip bilmerin.

Heý, ölüp bilermi goşgy ýazanam?!
Diý, ynanjak: «Gyşda erik bişipdir».
Bu gün öýlänara Mämmetnazaram,
Alla kabul etsin... Şehit düşüpdir...

Ilki söz dörändir Hak diýende «Kün»
Şahyr Allaň halan guludyr. Kämil.
Çyn sözüň ugrunda bize-de bir gün
Şehit düşmek nesip eýlesin. Ämin!

12.02.2012 ý.

Ysmaýyl TAGAN.
Категория: Goşgular | Просмотров: 456 | Добавил: Pegas | Теги: Ysmaýyl Tagan | Рейтинг: 3.0/1
Awtoryň başga makalalary

Goşgular bölümiň başga makalalary

Sowuk söz / Goşgular - 31.01.2024
Wiswisi lakamly obadaşymyň ömür beýany / Goşgular - 25.03.2024
Erjellik / Goşgular - 05.01.2024
Aldawçynyñ pañ-pañy / Goşgular - 18.01.2024
Ýagyş damjasy / Goşgular - 24.03.2024
Düýş hem ýagyş / Goşgular - 09.01.2024
Rubagylar / Goşgular - 13.01.2024
Eýdip-beýdip... / edebi ýaňsylama / Goşgular - 12.01.2024
Täjir tanşyma / Goşgular - 16.01.2024
"Garrap ýörünmi ýa men..." / Goşgular - 01.01.2024

Teswirleriň ählisi: 5
0
1 Haweran  
411
Alla rehmet etsin. Ussat şahyrlarymyzyñ ýene biri kemeldi... Inerleñ hatar-a seýrekläp, keliñ saçyna dönüp barýar. Soñky ösdürimler bilenem haçana, nirä çenli ýol aşyp bolarka...
Iman baýlygyny dileýäris. Ýakynlaryna sabyr-kanagat bersin.
Goşgyny okanda bir zat göze ildi.
Biziñ hemmämiziñ başymyz ölümli. "Ondan geldik, oña-da barýarys". Her kesiñ irde-giçde amanady dolmaly. Bu gutulgysyz hakykat adam ogly bolan adama - şahyra-da, Tahyra-da, alyma-da, zalyma-da... deñ. Emma "şehit düşmek" düşünjesi mundan biraz parhlyrak bir zatmyka diýýärin. Her kesiñ başy ölümlem bolsa, şehitlik mertebesine her kes ýetip bilmeýär. Ysmaýyl şahyr Mämmetnazar agamyza şehit "fetwasyny" nämä esaslanyp berdikä? (Umuman, şol bentde ýöredilýän pikir we ol pikiri tassyklaýan soñky bent tutuşlygyna agsaýar).
Belki, muny goşgyny paýlaşan, ýa-da Ysmaýyl aganyñ özi düşündirer?!.

0
2 Yusup  
50
Yzy yarasyn, iman baylygyny bersin. Şu wagt eşitdim.

0
3 Yusup  
50
@pegas Messa dondunle dost. Habarlashalyla kone gardashym. emailimi yazdym sonky mogzuklaryn birine yazda.

0
4 Nurdan  
100
Jaýy jennet bolsun, iman baýlygy berilsin!

Senesi:.
12.02.2012-i dogrymy?! Teswirlerden çen tutsañ-a goşgynyñ ýazylan senesi diýip goýlan senesi dogry däl ýaly.

0
5 Gumlygelin  
8
Màmmetnazar agañ jaýy jennet bolsun. Yzynda galanlara Alla giñlik bersin.
.
Şehitlik derejesi meni hem pikirlendirdi...

Teswiri diňe saýta agza bolan ulanjylar goşup bilýär.
[ Agza bol | Saýta gir ]