"Señ üçin özümi pida etmedim..."

"SEÑ ÜÇIN ÖZÜMI PIDA ETMEDIM..."

Seň üçin özümi pida etmedim,
Ezýet çekdim şoňa iki esseräk.
Bagdyň, saýasyndan maňa ýetmedik,
Gül ýerine arman ýygdym desseläp.

Geleriňe garaşybam biljek däl.
Göz dikip bilmerin bagtyna özgäň.
Sen hakynda ýazyp ýörmen geljekde,
Bolsa-da syýa kän,
Bolsa-da söz kän.

Ykbal güllän çagy ürküzilmeýär,
Yşk bagly däl haýyşyňa, erkiňe.
Gowy zat hemişe görkezilmeýär,
Gözel düýşler aýdylmaýar her kime.

Gurbanjemal ANNAKOWA.