Seniñ mähriñ

SENIÑ MÄHRIÑ

Seniñ mähriñ gutarmajak ömürmi,
Ýa dogamy kalbymdaky duýgyma.
Meni ýalñyz galdyrsa-da bu ýyllar,
Sen jan berdiñ öçüp giden söýgime.

Söýgi sözleñ owaz bolup ýañlandy,
Heniz şatlanmadyk ümsüm dünýämde.
Joşmagyma sebäp bolduñ sen bu gün.
Gursakdaky gürsüldiñi diñlämde.

Göreçleñde owsun atýar bu älem,
Bakyşlaryñ gudratmy ýa jadymy.
Pyşyrdadyp öwsen ýelleñ leblerin,
Hem köredýär yşkyñ alaw-oduny.

Señ baryñda bagtlydygma düşündim,
Señ baryñda dünýä indim täzeden.
Señ barlygyñ-kalbymdaky aýdymym,
Señ barlygyñ-meniñ üçin dünýä deñ.

SENI ÝATLAP

Sen geldiñ-de, gitdiñ derdimi gozgap,
Täzeläp ýañakda posañ yzyny.
Saña bolan söýgim kalbymda dyñzap,
Men ýene-de bagtly duýdum özümi.

Juda alyslardan eşdilýär her dem,
Gursakdaky nota çalýan gürsüldiñ.
Hyýalymda yşk bagynda seýil edip,
Seni ýatlap oturýaryn birsellem.

Äkit meni, mähir doly dünýäñe,
Seniñ dünýäñ bakylygyñ mekany.                         Yüregimde goterip ýör umydym,
Saña bolan söýgim bilen wepamy.

Bahargül MEJIDOWA.