SOÑ DÜŞÜNÝÄS KÄMIL AGALARMYZA
Soň düşünýäs kämil agalarmyza,
Görgüsine atalaň.
Soň düşünýäs kän ir agaranmyza,
Çözgüdine matallaň.
Soň düşünýäs enelere, ýazlara,
Dostlarmyza, aýdymlarna olaryň.
Ejap edip ýere bakan gyzlara
Haýyp soň başlarna gurban bolanyň.
Soň düşünýäs ýodalaryň salgyna,
Çeşmiňden gözýaş däl, ahmyr damanda.
Diýýäs soň düşünip sadaň kalbyna:
“Biz guraly, biz bir çig süýt emen-dä”
Ýitirilen söýgä, bagta, pursada,
Soň düşünýäs,
synlap iglän ykbaly.
Wagtynda düşünmek hamala bizi
Bagta ýar edip bilmejek ýaly.
Gurbandurdy ORAZOW.