Soñky wagtlar

SOÑKY WAGTLAR

Daşda gezýän ýaman gybatdan, gepden,
Ömür ýeke, berilmeýär ýañadan.
Dogrusyny diýsem, soñky wagtlar,
Jan saglygym bolýar ähli aladam.

Ýylynýaryn duýgularmyñ howruna,
Maý bermeýär doga ynjyk gylygym.
Ýokuş degýär günleriñ dar galyby,
Irizýär bir bolşy adatylygyñ.

Häzirlikçe oññut edýän...
Hem zol-zol,
Agyz-burun örtügimi çalyşýan.
Oýlanýan garagöz çagalam hakda,
Täze goñşym bilen sözüm alyşýar.

Her ýaprak tänende hetdimden dänýän,
(Tapylar halymy geñlän ýa gülen).
Galmasynlar diýip gaýgy-alada,
Gürleşemok hiç bir ýakynym bilen.

Söýülýän kişileñ goragy hökman,
Goramak - söýmegiñ ilkinji şerti.
Ýakynlarym diñe garyndaşlam däl,
Ykbalym olary ýatlardan berdi.

Gaýgylanmañ, gowy meniñ ýagdaýym,
Sizi çyn ýürekden söýýänim mälim.
Bu günler saglygma seredýän hemem,
Gözleýän ýaşaýşyñ başgaça tärin.

Gurbanjemal ANNAKOWA.