15:11 Söýgiň ysy | |
SÖÝGIŇ YSY
Günler yşkyň soňsuz galpyldysyny Kalba saldymy ýa, salmadymy ýa?! Duýaňda sözlerden söýgiň ysyny, Göwnüň aldymy ýa, almadymy ýa?! Ýürek syryn gözleň asla ýaşyrmaz, Şol gözlerdi bendi eden başyndan, Her gezek ýatlaňda gözýaşlaryňdan Didäň doldumy ýa, dolmadymy ýa?! Goýup bilmän yşky gökde, ýerde-de, Saldym ony gursaga o:t berse-de. Nätjek, seni ýürek söýdi. Sende-de Şeýle boldumy ýa, bolmadymy ýa?! Bak, söýgiň jigere talaň salyşyn, Hyjuwyň lasyrdap, ot alar başyň, Ýüregiň erände gözdäki ýaşyň, Ýeller syldymy ýa, sylmadymy ýa?! Adyňy gaýtalap her säher, her dem, Sensizlige niçik döz geler gerden?! ...Göwnüme, "toý" sözün agzanymda men Gözleň güldümi ýa, gülmedimi ýa?! Goçmyrat ORAZBERDIÝEW. | |
|
√ Sumbaryñ kenarynda / Goşgular - 01.01.2024 |
√ Estagfurullaly bentler / Goşgular - 14.02.2024 |
√ Nokat / Goşgular - 28.01.2024 |
√ Goltugy daşly adam / Goşgular - 05.01.2024 |
√ Ýagyş damjasy / Goşgular - 24.03.2024 |
√ Şemally gün / Goşgular - 27.01.2024 |
√ Garaş maňa / Goşgular - 17.02.2024 |
√ Düýşgowuran / Goşgular - 08.04.2024 |
√ Perişan kalbyñ umydy / Goşgular - 01.01.2024 |
√ Moskwadan görýärler / Goşgular - 30.01.2024 |
Teswirleriň ählisi: 0 | |