Süpük

SÜPÜK

Men ýazasym gelmän ýazýan
Süpükligimi.
Tirýeki ýa alkaş bolmalydym.
Iň bolman, keýpim köklenensoň
Unudardym dünýäni,

Keseden özüme gülýänimi.
Özümligime-de gynanýan.

Eger pulum bolan bolsady,
Ýigrim üçümi dolduryp, sadaka bererdim. Kim bilýär, bolan bolsa bermezdimem.
Adam garyplygynda öwrenýä jomartlygy.

Aklyma bir süri guş gonupdyr,
Olardan imanymynň şekilini ýasaýan:
Doňuz!
Özüm weli imanymça-da däl,
Doňuzça-da.
Meni hem-ä özüm tanar,
Hemem maňa meňzeşler.

Süpük boldum men!
Nesibämi ýyrta-ýyrta şu güne ýetdim.
Köp aglatdym ejemi-kakamy Bagtsyzlygymdan, şowsuzlygymdan.
Eger-de men bir gün bagtly bolaýsam,
Öwrenşip bilmerin öýdýän.
Gorkýanam entäk bilmedik zadymdan –
Bilmedik bagtymdan.

Men bagtdan gorkup aýaýan ýaly Süpükligimi.

13.04.2018 ý.
Rahat Şyhyýew