18:26 Türkmen çynary | |
TÜRKMEN ÇYNARY
Başy göge ýeten, türkmen çynary, Owal aslyñ toprak bilen nurdandyr. Señ baryñda bolmaz köñlüñ gubary, Ýalkawlaryñ keramatdan-zordandyr. Türkmen köñli "men-menlige" hekem däl, Ýöne kişä boýun burup bakan däl. Küle öwrülse-de, küle çöken däl, Ömür örküñ namysdandyr-ardandyr. Ýürek rahatdyr, sen bolsañ esen, Howalañy görse, şer yza teser. Ýapragyñda damja gördüm, bu heser, Meger, tamdyradan ~ ýürek tardandyr. Bu dünýäniñ durulygy çeşmeler, Heñ eder deñinden akyp geçseler. Gaýalaryñ ýüzündäki keşdeler Saña asman atly gözel ýardandyr. Eziz halkym, pederiñe çekenim, Şol gudratdan şine ýardyñ, bekediñ. Boz topraga nahalyñy ekeniñ, Bu gün Ýer ýüzünde orny tördendir. Şükür, kysmatymyz galmandyr çaña, Hakdan daş düşmedik, sygyndyk şoña, Perişde nazary düşüpdir saña, Ol oguz kowumly beýik ärdendir. Mämmetnazar BABANAZAROW. | |
|
√ Täjir tanşyma / Goşgular - 16.01.2024 |
√ Şemally gün / Goşgular - 27.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Was-wasylara... / Goşgular - 23.01.2024 |
√ Kyrk ýaşa ýeteniñde / Goşgular - 03.02.2024 |
√ Nädip ýaşamaly?! / Goşgular - 13.01.2024 |
√ «Превратила всё в шутку сначала…» / Goşgular - 29.02.2024 |
√ Ýolbars we Möjek / basnýa / Goşgular - 05.01.2024 |
√ Owadan pyçak hakynda erteki / Goşgular - 09.04.2024 |
√ Rubagylar / Goşgular - 13.01.2024 |
Teswirleriň ählisi: 1 | ||
| ||