Ussada

USSADA

Gyşyñ tygy sogrulyplar bireýýäm,
Bat beripdir ýene uzak göçüne.
Ülje gülleriniñ ysy giripdir,
Penjireden otagymyñ içine.

Ýylylygy bilen joşguny bilen,
Yhlasy, soñlanmaz yşga utgaşyp,
Gör-le, Gurbannazar Ezizi dogran,
Ýazlaryñ zemine gelşi üýtgeşik.

* * *

Sary başatgyç bar baglañ başynda,
Şemal günleñ gaçyrypdyr eñkini.
Dygdanaklap galpyldaýar ýapraklar,
Elinden aldyryp asyl reñkini...

Gaýzygýar säherler çigregi bilen.
Ýylylyk duýlanok gijeden hergiz.
Gurbannazaryny baky ýitiren
Tukatlygy bilen ýas tutýar bu güýz.

Laçyn ÖWEZOWA.