Watan

WATAN

Gezdim rus tokaýlarny.
Synladym men -
Gözel Wolgaň towlanjyrap akyşyn.
Kawkazyň mylaýym gijelerinde
Aýyň bolluk bilen nurun döküşin.

Tokaýda görmedim gyýa bakany,
Wolganyň aýdymyn diňledim uzak.
Datdym kawkazlylaň saçagynyň duzun,
Niçe ýol söksemem çekmedim güzap.

Çykdym men Pamiriň belentliklerne,
Gazaklaryň gülli sährasyn gezdim.
Gujaklyga ýetip duran maýsaly
Meýdanda saçlarmy ýagyşa ezdim.

Içdim ukrainleň gaýmakly süýdün
Hem boldum men özbekleriň toýunda.
Bu ýerleriň hiç birisi ýat ýer däl,
Gezip ýörün misli men öz öýümde.

Haýsy ülkä barsam güler ýüz bilen,
Garşylap diýýärler: "Tördendir ýeriň!"
Men ýat ülkelerde gezemok ahyr,
Bary öz Watanym, öz SSSR-im.

Men ýat ülkelerde duýamok özüm,
Watanmyň bar ýeri öýümdir meniň.
On bäş doganymyň gussasy - gussam,
Şatlygy - toýy-da toýumdyr meniň!

Ogulsenem TAŇŇYÝEWA.

"Edebiýat we sungat" gazeti, 1978 ý.