23:59 Ýanyma gelýäň | |
ÝANYMA GELÝÄŇ Ömrümiň ömre deň ahwalyn buşlap, Hanha, sen ýene-de ýanyma gelýäň. Hemişekiň ýaly dodagyň dişläp, Hanha, sen ýene-de ýanyma gelýäň. Ýarym ýoldan döndi yzyna joraň, Ne gözel kem-kemden gysylşy araň. Ak günde alnymyň alnyndan dirän – Hanha, sen ýene-de ýanyma gelýäň. Ädim urýaň, bozman ýeriň gaýmagyn, Ýapraklary syryp gelýär köýnegiň. Oklap özüň jadysyna söýmegiň, Hanha, sen ýene-de ýanyma gelýäň. Päk söýginiň gundagynda gundalan, Bilýärmiň gözlerňiň ömre deňdigin. Gizlenip gijäniň tümlügindenem, Hanha, sen ýene-de ýanyma gelýäň. Gözlerňi gaplapdyr syrly alada, Ol kem-kemden geçip barýar maňa-da. Ahwalyňy ahwalyma deň ede, Hanha, sen ýene-de ýanyma gelýäň. Ýylgyrýaň, ýylgyrşy melhem tebibim, Ýylgyrşyňa baryn bersem zeminiň. Gujagyna dolmak üçin söýginiň, Hanha, sen ýene-de ýanyma gelýäň. ...Gel, seni bagryma basaýyn, dünýäm, Hanha, sen ýene-de ýanyma gelýäň... | |
|
√ Dünýe... / Goşgular - 11.02.2024 |
√ «Превратила всё в шутку сначала…» / Goşgular - 29.02.2024 |
√ "At bilen kowalap gördüler ony..." / Goşgular - 01.01.2024 |
√ Sumbaryñ kenarynda / Goşgular - 01.01.2024 |
√ Sowuk söz / Goşgular - 31.01.2024 |
√ Çarwa arabyñ söýgüsi / Goşgular - 10.02.2024 |
√ Alabahar / Goşgular - 21.03.2024 |
√ Estagfurullaly bentler / Goşgular - 14.02.2024 |
√ Kyrk ýaşa ýüzlenme / Goşgular - 03.02.2024 |
√ Nädip ýaşamaly?! / Goşgular - 13.01.2024 |
Teswirleriň ählisi: 0 | |