13:34 Ýaranjañ | |
| ЯРАНҖАҢ Бир бетер яранҗаң гөрдүм арада, Адын тутман оңаясың гелип дур. Узынлы гүн өз башлыгы барада Яңран дилин даңаясың гелип дур. Өвди башлыгының ярак итини, Сыгрыны, товгыны, “полат атыны”, Стол – стулыны, галам, чотыны, Янындан зут эңәесиң гелип дур. Бирденем башлыгы гелди аңырдан, Шол яранҗаң болды илден өңүрден, Үч эпленди ясалан дек демирден, Кимдигини аңаясың гелип дур. Йылгыранда агзы гулагна етип, Тас онуң көвшүни ялапды ятып, Башлыгына чай гуян голундан тутуп, Әпишгеден зыңаясың гелип дур. Шулар позар коллективиң арасын, Танамалы, тиз гөрмели чәресин, Шейле “әриң” нырхыны ким сорасын, Бир гөренден доңаясың гелип дур. Алдар тогаланан болуп өңүне, Ахыр башлыгыны гарар чаңына, Шу тетеллә ынанянлаң гүнүне, Өзүң аглап диңәесиң гелип дур. Яранҗаңы алҗак болсаң тиркеге, Ыснат гетирйәр ол аял-эркеге, Сен мынасып дәлсиң дийип телпеге, Ерне яглык даңаясың гелип дур. | |
|
| |
| √ «Нет в мире прекрасней свободы…» / Goşgular - 10.02.2023 | |
| √ Eje jan! / Goşgular - 06.01.2023 | |
| √ Gar ýagan güni... / Goşgular - 10.01.2023 | |
| √ Günäsizlerim / Goşgular - 15.01.2023 | |
| √ П.И.Вейнбергу / Goşgular - 05.02.2023 | |
| √ Gyş / Goşgular - 01.01.2023 | |
| √ Afetinle sinama ALLAH’IM / Goşgular - 13.02.2023 | |
| √ Эмигрант / Goşgular - 09.02.2023 | |
| √ «Когда вы стоите на моём пути…» / Goşgular - 06.02.2023 | |
| √ Во время болезни / Goşgular - 09.01.2023 | |
| Teswirleriň ählisi: 0 | |