Главная » 2023 » Fewral » 17 » Ýaşa
17:20

Ýaşa

ÝAŞA

Baýlygyň bil älem içre barlygyň,
Ýakyn-ýadyň bile il bolup ýaşa!
Darykdym men bilip dünýäň darlygyn,
Dünýede dünýe deý giň bolup ýaşa!

Başyn nä gowgaýa salyp pelegiň,
Ýaşan mert türkmendir seniň pederiň.
Eyer — tagtyň, döwletiňdir bedewiň,
Oguz handan gaýdan ýol bolup ýaşa!

Gurt oglusyň! — Azmy, duşmany gurduň?
Borjuň näme? — Ony ynsabyň buýrsun!
Eýesi sen tozap ýatan şu ýurduň,
Deňiz, derýa bolup, köl bolup ýaşa!

Haýsy Alla bilsin haýsy asyrdan,
Daş ýaryp, kök urup gaýdan asyllaň.
Seniň aslyň aňyrdandyr aňyrdan,
Eýýamda eýýama sal bolup ýaşa!

Kä düzlere düşdük, käte derbende,
Kä ýük düşer, käte kement gerdenňe.
Ejizleme, duşmanyňa per berme,
Köpelip, köçelip, köl bolup ýaşa!

Çopan dälsiň, dälsiň asla padadan,
Mertden mertsiň, danasyň sen danadan.
Bihal bolan däldir ata-babalaň,
Sen halsyz zamana hal bolup ýaşa!

Oda atsalar çykgyn mele nan bolup,
Suwa atsalar çykgyn Kesterhan* bolup,
Ýygna il-ulsuňy desterhan bolup,
Daşdan garyp, içden han bolup ýaşa!

*Gadymy mifde Kesterhan atly bir garyby suwa gark edýärler, ol ençe ýyldan soň suw şasynyň täjini alyp çykýar.
Категория: Goşgular | Просмотров: 386 | Добавил: Bagabat | Теги: Nobatguly Rejebow | Рейтинг: 5.0/2
Awtoryň başga makalalary

Goşgular bölümiň başga makalalary

√ Düýş hem ýagyş / Goşgular - 09.01.2024
√ Ynanarmykan? / Goşgular - 30.01.2024
√ "Gelin jan..." / Goşgular - 26.03.2024
√ Erjellik / Goşgular - 05.01.2024
√ "Bagşylara" / Goşgular - 07.02.2024
√ «Превратила всё в шутку сначала…» / Goşgular - 29.02.2024
√ Nar / Goşgular - 22.04.2024
√ "Garrap ýörünmi ýa men..." / Goşgular - 01.01.2024
√ Puluň başarnygy barada agymtyl goşgy / Goşgular - 10.01.2024
√ Nädip ýaşamaly?! / Goşgular - 13.01.2024

Teswirleriň ählisi: 9
0
1 Gurgencli  
324
Köp sagbol Serdar aga. Şu goşgyny 3-4 ýyl öň bir-iki gezek okapdym, goşgyň birnji bendini örän haladym, dilime sena boldy, ýene elli ýyl geçse-de ýadymdan çykar öýdemok. Köp, köp sagbol Sedar aga.

0
6 Bagabat  
43
@Gurgençli, "sag bolsuny" Laçyn Pürjäýewa aýtmaly. Şol seniň haýyşyňy okap, bu goşgyny tapyp, göçürip, iberipdir. Meňki diňe häki :-). Ýöne onda-da seniň "taňryýalkasynyňy" alan Laçynyň sogabyna menem şärik bolýandan bolýan :-).

0
9 Gurgencli  
324
:)))

0
2 Gurgencli  
324
Goşgyň dördünji bendindäki birinji setirde "Halysalla bilsin…" diýip ýazylypdyr. Men öň okanymda "Haýsy Alla bilsin" diýip ýazylandy. Şonda mowzukda "bu köp hudaýlylygy aňladýar diýip ýazypdylar.
Indi goşgyň bu wersiýasy dogry diýsek. "Halysalla" näme diýmek? Halysalla sözi birini bir zada ynandyrmak üçin ulanylanokmy? Eger bu söz meň diýýän manymda ulanylýan söz bolsa goşgyň bu setirindäki diýiljek bolýan zada umuman bu söz gabat gelenok.

0
3 Gurgencli  
324
Goşgy ajaýyp sözüm ýok, Nobatguly Rejepow hem ussat şahyr. Ýöne meň kellämi şol söz bulaşdyrdy-da.

0
4 sylapberdimuhamov  
1428
Halysalla goşulyp ýazylmaly. Çypbakaý çynym diýen ýaly. Halysalla adam diýen sözem bar.

0
5 sylapberdimuhamov  
1428
Jemşidiñ jamynda Şol dogry berlen
Haýsy Alla bilsin...

0
7 Bagabat  
43
Ok.

0
8 Bagabat  
43
Şahyr bolmaz ulus-ili güýmänler,
Adamlary özgerdýänler şahyrdyr.

Gurbannazar Ezizow.

Teswiri diňe saýta agza bolan ulanjylar goşup bilýär.
[ Agza bol | Saýta gir ]