21:11

Ýaşlygymyzyň şaýady

ÝAŞLYGYMYZYŇ ŞAÝADY

Seret, ikimizem talapdyr ýyllar,
Ýüzüňde gasyn bar, mende-de bar ol.
Ýaşlygmyzdan bir üýtgeman galan zat,
Bir çak ikimizi penalan baglar.

Ah, şo baglar,
Ah, şo baglar diýsene,
Ýatlamasy ýatdan çykmajak döwrüň.
Ýeketäk şaýady şol goýry baglar
Intizarlyk bilen çekilen şöwrüň.

Gasyn goýan bolsa maňlaýda ýyllar,
Wagt geçer,
Ýyllar bizi garradar.
Hyýallar kütelşip, ýaş geçdigiçe
Ýatlamalarsyzam tapars bir mydar.

Emma biziň asla ýatdan çykmajak,
Ýöne ýatdan çykarylan çagymyz
Galar şol baglaryň şahalarynda,
Ýaşyl ýapraklarda galar adymyz.

Çünki biziň obamyzda söýginiň
Ömürlik düşlegi şol baglaň goýny.
Şoň üçin hemişe juwan bu baglar,
Şoň üçin hemişe bu baglar goýry.

29. 09. 2011 ýyl
Категория: Goşgular | Просмотров: 183 | Добавил: Lebaply4751 | Теги: Agageldi Italmazow | Рейтинг: 0.0/0
Awtoryň başga makalalary

Goşgular bölümiň başga makalalary

Ýagyş damjasy / Goşgular - 24.03.2024
"At bilen kowalap gördüler ony..." / Goşgular - 01.01.2024
Bagyşla! / Goşgular - 01.01.2024
Goltugy daşly adam / Goşgular - 05.01.2024
Ak buýnuzly ak maral / Goşgular - 01.01.2024
Düýş hem ýagyş / Goşgular - 09.01.2024
Suwdan ot çykaran goşgy / Goşgular - 31.01.2024
"Gitdim senden ilerledip ümzügi..." / Goşgular - 01.01.2024
Käbir aýallara melek diýýäñiz / Goşgular - 04.02.2024
Moskwadan görýärler / Goşgular - 30.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]