Главная » 2021 » Noýabr » 2 » Ýatdan çykmajak gün
20:38

Ýatdan çykmajak gün

ÝATDAN ÇYKMAJAK GÜN

Çap bolupdyr goşgyñ suratyñ bilen,
Synladym, okadym, duýdum şobada.
Eşidildi onda meniñ owazym,
Hem onda kalbyñ bar dogumly, sada.

Gül ýüzüñe nur çaýylan, mähriñ bar,
Meñzäp dur ýaglygyñ gyzyl lebiñe.
Gyzyl köýnegiñde gyzyl çog ýaly,
Meñzäp dursuñ yşkdan çabran demime.

Keşdesi ajaýyp owadan ýakañ,
Gülýakañ dur serhedinde lezzetiñ.
Gözleriñde maña bolan umydyñ,
Az görýän deý şunça edýän hezzetiñ.

Çap bolupdyr goşgyñ suratyñ bilen,
Ýaz eýledi ol göwnümiñ köşgüni.
Men-ä okap, ony ýazansyñ öýdýän,
Şol ýatdan çykmajak garly gyş güni.

Batyr ÇARYÝEW.
Категория: Goşgular | Просмотров: 349 | Добавил: Haweran | Теги: Batyr Çaryýew | Рейтинг: 4.0/4
Awtoryň başga makalalary

Goşgular bölümiň başga makalalary

√ Was-wasylara... / Goşgular - 23.01.2024
√ Erjellik / Goşgular - 05.01.2024
√ Alabahar / Goşgular - 21.03.2024
√ Gije hem gündiz / Goşgular - 07.02.2024
√ "Bagşylara" / Goşgular - 07.02.2024
√ Yzany yşkyma ýamag etdim / Goşgular - 15.04.2024
√ Ynanarmykan? / Goşgular - 30.01.2024
√ Puluň başarnygy barada agymtyl goşgy / Goşgular - 10.01.2024
√ Kyrk ýaşa ýeteniñde / Goşgular - 03.02.2024
√ Aldawçynyñ pañ-pañy / Goşgular - 18.01.2024

Teswirleriň ählisi: 3
0
1 Aksary  
876
Erbet ďäl

0
2 mango  
651
Meñzäp dur ýaglygyñ gyzyl lebiñe.
—-
Ýaglyk bilen dodagyň nämesi meňzeş?
Formasyny meňzetjek bolsaň-a ýa Pikasso ýa Salwador Daliň suratlaryny ýada salmaly. Belki diňe reňki meňzeşdir, gyzyllygy….
—-
Gülýakañ dur serhedinde lezzetiñ.
Şeýle pikirleri köpçülikde daşyňa çykarmak gerekmi?
Kellede diňe lezzet gaýgysy bar ýaly…
—-
Üýtgeşiklik ýok.

0
3 sabyrly  
908
Ýaglygyň ujuny meňzeden bolaýmasa lebe. Onda-da zor bilen fantaziýaňy işletmeseň, o diýen meňzäbem duranok, ýöne herkimiň öz pikiridir-dä.

Teswiri diňe saýta agza bolan ulanjylar goşup bilýär.
[ Agza bol | Saýta gir ]