22:35 Ykbal | |
YKBAL
Durmuş başym aýlap taşlady her ýan, Eneden-atadan aýyrdyñ, ykbal! Bilmedim men munda nirlere barýan, Ýolumdan galdyryp, sowuldym, ykbal! Şadyýan çagakam aglatdyñ başdan, Jyda eýläp meni dogan-gardaşdan. Görüpmidiñ ýa-da bu başy daşdan, Bilmedim ne hyýal öwürdiñ, ykbal! Ene mährin gandyrmaga goýmadyň, Ata pähmin diñletmediň, gynadyñ. Nämüçindir beýle ýowuz synadyñ Ýaşlykda saçymy agardan, ykbal! Ýeke goyup bir saçagyň başynda, Dogan-dost, gardaş ýok indi daşymda. Joşup gezjek bu juwanlyk ýaşymda, Täleýimi terse öwürdiñ, ykbal! Ata-enesiz dünýä dar boljak eken, Göwnüm köp zatlara zar boljak eken, Ahmyrym bir ömre ýar boljak eken, Müñ galyp, müñ gezek döwüldim, ykbal! Döwlet aýdar, başym boldy gaýgyly, Geçirmek kyn aýralykda aý-güni. Bagrym dilýär aýralygyñ aýdymy, Durmuşym ahmyra öwürdiñ, ykbal! Ýaşlygym saman deý sowurdyñ, ykbal! ■ GOŞGYM Bir pursatlyk yza öwrüp bar zady, Meni geçmişime getiren goşgym! Ýatlamaga mysal edip, bir zady, Meni talyplyga getiren goşgym! Ençe ýyldyr ýoldaş bolup ýanymda, Köp pikirler aýlap gezen añymda. Başym eglip, gaýga batan halymda, Derdime dermany getiren goşgym! Geçdi seniñ bilen ömrüñ her demi, Ýerden göge göterdiñ bu gerdeni. Şahyr Rejepgeldiñ aýdan pendini, Ýüregime baky ýetiren goşgym! Kötel ýollañ külpetini geçirip, Alymlañ aýdanyn kalba göçürip. Bu gün bolsa, bagtyñ meýin içirip, Göwnümi göge çen göteren goşgym! Il derdine ýaramaga ýetiş diýp, Çuñluklara mäkäm garlyp-gatyş diýp. Yşk bir lowlap duran otdur, ataş diýp, Meni şu günlere getiren goşgym! Ýüregimi açdym ýekeje saña, Özüñ orun berdiñ dünýäde maña. Şat günde, kyn günde ýanymda diñe, Bolup, kän günleri geçiren goşgym! Çagalykdan tutup, meniñ golumdan, "Ýör!" diýp, maña habar beren älemden. Uzakda bolsam-da, mährem enemden, Dileglermi arşa ýetiren goşgym! Hoşlaşyp bilmedik wagtynda ogly, Bijesi çykmady durmuşda şowly. Bu ýollarda göre-göre köp oýny, Şahyr bilen bile geçiren goşgym! Başymyzdan geçen günlere bakman, Meni il içinde eýlediñ ykrar. Bizi asla aýra salmasyn ykbal! Meni baky bagtly eýleýän goşgym! Döwletnazar IŞANGULYÝEW. | |
|
√ Aldawçynyñ pañ-pañy / Goşgular - 18.01.2024 |
√ Kyrk ýaşa ýüzlenme / Goşgular - 03.02.2024 |
√ Rubagylar / Goşgular - 01.01.2024 |
√ Ýagyş damjasy / Goşgular - 24.03.2024 |
√ Mürze ýigit / Goşgular - 12.03.2024 |
√ Hasap / Goşgular - 18.02.2024 |
√ Tilki bilen üzüm / basnýa / Goşgular - 10.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Kyrk ýaşa ýeteniñde / Goşgular - 03.02.2024 |
√ Suwdan ot çykaran goşgy / Goşgular - 31.01.2024 |
Teswirleriň ählisi: 0 | |