18:51 Ynam | |
YNAM
Halys yrymlara höwrügipdirin, Mundan soňra: çäk ýok ýaly aňyrda. Goşa didelerňe öwrülipdirin, Gabaklarňa siňip geçen asyrda. Gara pişiklerem halaberemok, Tötänden bolsa-da öňümiz kesse. “ Menden başga zada ünsüňi berme” Diýseňem ünjilem artar ikesse... Pişikler garalyk islänok bilýän, Gara ýürekliden Alla saklasyn! Ejiz duýgulardan saplanyp dünýä, Beren wadalarna wepa saklasyn! Her nädip bolsa-da ýylgyrtjak bolýaň, Dürlisini tapyp degişmeleňem. Mähriň bilen kalbym ýylatjak bolýaň, Men yşkyňdan boýa galan gülsenem Gürrüň berseňem öň eşidenlermi, Ilkinji gezek deý ümsüm diňlärin. Kösenmäýin, ber ýüregme melhemňi, Dar şäherde seni görsem giňärin. Ýol uzakdyr, sözüm diňle kä mahal, Sögseňem, söýseňem, ýene gerekle. Mendirin-dä, özüm aýdar goýaryn, Sen yrymçy söýgüliňe seretme! Ogulnur PIRJIKOWA. | |
|
√ Salam, Türkmenistan! / Goşgular - 01.01.2024 |
√ Aldawçynyñ pañ-pañy / Goşgular - 18.01.2024 |
√ Göreş / Goşgular - 11.02.2024 |
√ Çarwa arabyñ söýgüsi / Goşgular - 10.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Sowuk söz / Goşgular - 31.01.2024 |
√ Hasap / Goşgular - 18.02.2024 |
√ Soltan / Goşgular - 27.03.2024 |
√ Tazy / Goşgular - 30.01.2024 |
√ Günüñ monology / Goşgular - 01.01.2024 |
Teswirleriň ählisi: 0 | |