18:28 Ynsap dile geldi... | |
YNSAP DILE GELDI... Goşgy ýazdyk: Bizde bar zat gülala-güllük - diýip. Goşgy ýazdyk: Dürli käriñ syryny bildik - diýip. Goşgy ýazdyk: Gol gerende al şapakly täze dañ Täze ýeñşe, Şanly ýeñşe biz jylaw saldyk diýip. Goşgy ýazdyk: Günbe-günden artdy - diýip - badymyz. Harman görsek, Höwes bilen deñedik daglara biz. Suw zerarly şor basan hem Akjaran boz ýerleri Deñedik (aslyna ýetmän) Gül açan baglara biz. Ýene ýazdyk: Nebit sili batly çogup dur - diýip. Öwdük ýördük, öwdük ýördük, Öwünmekden doýmadyk. Ýene ýazdyk: Nygmat bary ýöne ýagyp dur diýip... Garaz, gözel çagdan gaýry Many-mazmun duýmadyk. Gaýry gerdiş geldi indi, Dagady gitdi duman. Adyl ynsap dile geldi, Nalady ynsap bu gün: Eýsem indi şeýle biweç Ýaşajak ýörjekmi sen Ömür boýy ak kagyzdan gül ýasap, Aldap göwün? Derde derman gözlemäge Kömek etmän iliñe, Saýrajak ýörjekmi indem Buýsanyp boş sanlara? Ilki sen il ogly, şahyr! Göz, gulak ülkäñe sen! Neneñ ogluñ jany ýanmaz Bu telek nogsanlara?! Ata ATAJANOW. "Edebiýat we sungat" gazeti, 1986. | |
|
√ Moskwadan görýärler / Goşgular - 30.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Salam, Türkmenistan! / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Goltugy daşly adam / Goşgular - 05.01.2024 |
√ Ýolbars we Möjek / basnýa / Goşgular - 05.01.2024 |
√ Lenç edilen nakyl / Goşgular - 05.02.2024 |
√ Dünýe... / Goşgular - 11.02.2024 |
√ Жизнь / Goşgular - 29.02.2024 |
√ "Gelin jan..." / Goşgular - 26.03.2024 |
Teswirleriň ählisi: 0 | |