Ýolagçy

ÝOLAGÇY

Ýolagçy men, ýolum bilen başagaý.
Añzak aýaz gije yssylap barýan.
Şara gara tümlügi başa täç edip,
Ak pamyk deý deý gary basgylap barýan.

Alysda gollaryn bulaýar daglar.
Bir menzil geçere ýeterlik keşgim.
Döşüm gerip barýan sowuk şemala,
Ýyly ojaklaryñ deñinden geçdim.

Kä beýige galýan, kä düşýän pese,
Uzak ýoldan sorkuldaýar dyzlarym.
Eglenmäge-aýñalmaga mütdet ýok,
Gar gömýär galdyran aýak yzlarym.

Ýolagçy men, külterleýän ýolumy.
Ýöredikçe ýüküm ýeñledip barýan.
Başymda müñ hyýal,
Saçymda ak gar.
Dag hakda aýdyma hiñlenip barýan.

Döwlet ORAZSÄHEDOW.