Ýöre, dik tut başyňy!

ÝÖRE, DIK TUT BAŞYŇY!

Ýykma,
Ýykylma!
Ýykanyňy
Ýalka, ýagşylyk bilen,
Ýuwulsyn günäler,
Ýagyş suwuna!
Ýaraşyk berer,
Ýaraşsaň eger,
Ýagşyny ýagşy saýyp,
Ýagşylyk bilen.
Ýörersiň sylaglanyp,
Ýatlansaň meger,
Ýer ýüzünde, ýagşylykda,
Ýurt tutunyp, ýaşasaň,
Ýaşanňa deger...

Ýykyldyňmy?
Ýykylşyň dek,
Ýerden galdyr başyňy,
Ýyrtyp aýyr,
Ýürekdäki,
Ýükli, agyr daşyňy,
Ýylgyryp gez,
Ýylgyryşyň,
Ýylatsyn kalp hoşuňy!
Ýyklan göwnüň,
Ýürek düwnüň,
Ýylmasyn seň döşüňi!
Ýyldyzlar deý,
Ýylpyldadyp,
Ýüwürt göwün joşuňy!
Ýakma kalbyň,
Ýykma göwnüň,
Ýöre, dik tut başyňy!