18:54 Ýüregimiñ sesi | |
| ÝÜREGMIŇ SESI Günlermizi güle gaplap geçiýrdik, Ýa giç galdym, ýa-da ýakdy keç irlik, Seni görüp, gurşanynda ejizlik, Beýnim “Besdir, geçmişiňi ýeň” diýýär, Men nädeýin ýürek ýene sen diýýär. Asman basýar, ykbal gysýar egnimi, Elden gitdi juwanlygy begligi, Yza berýär ýanan söýgiň tegmili, Ýogsa ýazgyt “geljek sary eň” diýýär, Men nädeýin ýürek ýene sen diýýär. Serde ýakyp oý-pikirleň niçesin, Boýlanymda öz kalbymyň köçesin, “Ýitiribem iň mähriban ejesin, Ölenoklar, alyp ýörler dem” diýýär, Men nädeýin ýürek ýene sen diýýär. Zer seçse-de öňkülerçe däl günler, Garalypdyr gyzyl öwsen bägüller, Çynym bilen şatlanamda kä günler, Gülkilermem “Aý, bir zada kem” diýýär, …Men nädeýin ýürek ýene sen diýýär. Erkeklikden çetleşdirýär agylam, Ýok gerek däl sensiz berlen şalygam, Suw bolupdyr on birinji ýaglygam, Göz ýaşlarym “bolandyr bir çen” diýýär, Men nädeýin ýürek ýene sen diýýär. Dünýäm döndi, obasyna ezýetiň, Şeýle giňdi, gysyldy bar gözýetim, Dostlam “Görjek bolsaň ömrüň lezzetin, Ýatlamaňy özüňden öň göm” diýýär, Men nädeýin ýürek ýene sen diýýär. Kerim HALLYÝEW. | |
|
| |
| √ Февраль / Goşgular - 31.01.2023 | |
| √ Men indi gidýärin / Goşgular - 15.01.2023 | |
| √ Тени А.С.Пушкина / Goşgular - 09.01.2023 | |
| √ Hat / Goşgular - 04.02.2023 | |
| √ «Мы преклонились у завета…» / Goşgular - 18.01.2023 | |
| √ Ot bilen oýun / Goşgular - 16.01.2023 | |
| √ Abdalyň oýy / Goşgular - 10.01.2023 | |
| √ К 16 января 1814 года / Goşgular - 16.01.2023 | |
| √ Пеночка / Goşgular - 11.02.2023 | |
| √ Послание П.Н.Каратееву / Goşgular - 11.02.2023 | |
| Teswirleriň ählisi: 0 | |