ÝÜREKDEŞE
(Şahyr Gülnar Geldimyradowa bagyşlaýaryn)
Ýene-de oýamyň gijäň ýarymy?
Ýene-de bimaza edýärmi gussaň?
Ýene-de dört diwar gysyp-gowuryp,
Ýene-de depäňe ýakynmy asman?
Ýene bir nokady gözleriň bilen
Deşäýjek bolýaňmy?
Ýüregiň go:rmy?
Kalbyň dyrmalanyp, göwnüň döwülip,
Başyň dumanlymy?
Gursagyň darmy?
Ýene ýel düşdümi naçar ýüregňe?
Damarlaň dartylyp, kirşe döndümi?
Birsydyrgyn günler ýaly pikirler
Çakylyksyz gelip, ukyň böldümi?
Köňlüň kapasadan boşaýsam diýip,
Ýöne el-aýagyň bagly ýalymy?
Ýene-de birahat edýärmi dünýä,
Ýene-de oýamyň gijäň ýarymy?..
16.07.2018 ý.
Sapa HOMMADOW.
0
