DILEGLERIM KABUL BOLMAZ

Gam-gussalar gitmez boldy başymdan,
Şat bolup-da kalbym gülmez, nedendir?
Gije-gündiz ýalbararam Möwlama,
Dileglerem kabul bolmaz, nedendir?

Garşymyzda garly daglar dag bolar,
Çewre ýany reýhan güli bag bolar,
Eýi günde dosty-ýarlar çoh bolar,
Gamly günde dost tapylmaz nedendir?

Bu gezdigim Urummydyr, Şammydyr?
Başymdaky gussamydyr, gammydyr?
Kime eýgilik etsem, soňy kemmidir?
...

GARA DÄLMI

Gelin, maňa gara diýme,
Gaşlaryň gara dälmidir?
Dal gerdene düşer saçyň,
Saçlaryň gara dälmidir?

Hany Isa, hany Musa,
Şerbedi ezerer tasa,
Musadaky zeýtun hasa,
Destesi gara dälmidir?

Guzaý saçyň burma-burma,
Öldürdiň garşymda durma,
Gara göze gara sürme,
Çekilen gara dälmidir?

Garajaoglan, biýr salamy,
Goýnunda Hakyň kelamy,
Ak kagyz üste galamy,
Ýöreden gara...

SAZ ETDIGI ZAMAN

Gel-ä, söwdügim, gel-ä,
Gollaryñ boýnuma dola,
Saralaýyn inçe bile,
Bilbil saz etdigi zaman.

Geç, gözel, garşymda durma,
Ölýän, ganyma el urma,
Ýüzüñi menden öwürme,
Ýanyña ýetdigim zaman.

Ýoluñy aýyrma menden,
Köñül üzülermi senden?
Meger jan aýrylar tenden,
Senden daş gitdigim zaman.

Garajaoglan, il bilmese,
Ýanyñda päzgel bolmasa,
Üç gije saba bolmasa,
...

DILIMDEN BOLDY

Men bir öz halyma ýören ýigitdim,
Bar zat maña ganhor zalymdan boldy.
Her ýigide dili bolar belasy,
Men bilýärin, maña dilimden boldy.

Däli köñül heserlidir heserli,
Aýa dönüp, ýarym gadam basaly,
Egninde hyrkadyr, goly hasaly,
Derwüş aýdar, maña şalymdan boldy

Daglara bag bermiş, lälesin bermiş,
Küffara Haýbaryñ galasyn bermiş,
Ara balyn bermiş, belasyn bermiş,
Ary galar, maña balymdan...

BIRDIR BU GELIN

Agzy şeker, dili gülüñ balydyr,
Ah çekdikçe ýüregimi aladyr,
Müñ hatar içinde özi ga:ladyr,
Urumda hem Şamda birdir bu gelin.

Garyp bilbil pygan eder näz bilen,
Gylyç urar, ganlar döker gürz bilen,
Iki müñ gelin hem dört ýüz gyz bilen
Çekilse, çoh agyr geler bu gelin.

Iller, kemi barmy şol gara gaşda?
Dostumyñ söwdasy oýnaýyr başda,
Tunus, Tarabluda, goja Maraşda,
Reýhanyñ içinde birdi...