GIDERIN... GIDEÝIN... GITDIM... GITMESENE... GITMERIN... GIT...

Giderin men mundan indi eglenmen,
Unutmagyn ýatlamalaň ýardygyn.
Ak säherde seni söýen oglan men,
Kim bilýär täleýde nämäň bardygyn.

Goýunlar mäleýär köne saraýda,
Erte men olary sürmerin örä.
Bolmaz maňa şepagat-da, haraý-da,
Gitmek maňa hyjuw berýärkä örän. ...

ÇYMDA BITEN BENEWŞE

Hakykatdan-da ol çymda – sähranyň gyrtyçly, sonar ýaýlasynda biten benewşä – elwan reň lälä çalym edýärdi. Ol türkmen teatr sungatynyň ömür-ömür reňki solmajak benewşesidi. Gör, näçe göwünler şol gülüň nuranalygyna bendi bolandyr. Gör, näçe dideler şol gülüň didaryndan mährini gandyrandyr. Teatr benewşeleriniň nurly, Taňrynyň münewweri siňip, röwşenlenen şol benewşä bendiwanlyk, gözügidijilik bilen bakandyr.
Ol daglarda biten gök öwsüp oturan arça ýalydy. ...

HIJRAN-HALKASY

1.

Saňa aýdasym gelýä…
Şelpesin ýel öpen tuduň astynda.
Aýly gijelerde ýalňyz galýanym.
Näme hakda oýlanýanym aslynda.

Saňa aýdasym gelýä…
Syrly gijelerde uky bermedik
Duýgularmyň terdigini, päkdigin
Biýaradan jyklap ýatan terne deý.

Gözbaşyny görejinden getirýän. ...

KÄTE ÝAŞLYGYMA SÄHRA GIDERDIM...

Käte ýaşlygyma sähra giderdim,
Özümiň ýönekeý “planym” bilen.
Salkyn ýellerine döşümi gerdim,
Oňmadym güneşde ýylanym bilen.

Arzuwçyldym, arzuwlarym balykdy,
Arman teşne çölde gurap galypdy,
Elbetde, baryna däldim ýazykly,
Salgym köl däl, dynman ylganyň bilen.

Atam diý...

GÜÝZ

1.

Güýzüm, güýzüm, sary güýzüm,
Wysaldan öňki hijranym,
Kimiň köýen ary güýzüm,
Argynmy sen, ýadawmy sen,
Ömrüne hoş söz görmedik,
Dostlaryndan ýüz görmedik,
Maňa meňzeş adammy sen?

2.

Güýzüm, saňa meňzeş bir gyz,
Biraz gamgyn, biraz ýalňyz,
Ilden-günden alyp salgy
Çaýlaşmag...

Gara gaýgym – Garagumum,
Garagumum – gara günüm.
Göreji sen garagymyň,
Ereýip akan bolma sen?!

Ýeriň ýüzi ýa didesi,
Halkyň galkan hakydasy.
Dünýäň altyn hakykatyn
Ýygnaýyp ýatan bolma sen?!

Emgegme eprik-em bolup,
Deýede dözüp, bigam bolup,
Atam, enem, babam bolup
Ýyglaýyp öten bolma sen?!

Al güne jyzyrap, tenip,
Takyryň – tebsirän lebiň.
Her arzuwym – guzy deýin
Ýolunda kö...

Ýere gaçan ýyldyrym deý
Ýoda egrelip ýatsa-da.
Ötegçi, geňirgenme sen,
Çalmara eltip saklasa.

Sowul, çopanlaň çalmary
Sähraň ýumşak aýasydyr.
Gelenleri gülüp garşy
Almak olaň adatydyr.

Çoluk çöp atsa, çölge bor,
Çopan don atsa, kölge bor.
Saňa dem-dynjyň almaga
Ýatdan çykmaz düşelge bor.

Geleniňe monça bolar,
Lasyrdar durar taňkasy.
Ýanyňda-da omça bolar,
Eşdiler durar jaň s...

Atalaň goşarna meňzeş ojarlaň,
Arasynda kän çekipdim näziňi.
Ýyllar goltugynda gizläp äkitdi,
Ömrümiziň şol eşretli ýazyny.

Ýagmyr ýuwan zülpleriňi öpüpdim,
Ýumşaklykda ýuwalardan köp gowy.
Buýsanjymyz peşmek deýin düýrledi,
Ýaşlygmyzyň tomusynyň epgegi.

Gül seň gülýakaňa meňzäp dogardy,
Şapak gyzarardy misli keteniň.
Gara gözleriňden bagtym gözläpdim,
Seniň bagtyň özgäň gözünde ekeni.

Sähra gel...

ÖMÜR MENZILLERI

Durmuşda şeýle adamlar bolýar – asyl olaryň işleýşine seredip doýup bolmaýar. Siz eli pilli ýer agdaryp duran daýhany gördüňizmi? Bili mäkäm guşalgydyr, gasyn düşen maňlaýynda burçak-burçak der seçelenip durandyr. Onuň pilini urup, howlukman agdaryp barşyny görüp, gözüňiz dokunar. Piliniň gumhanasy her gezekde Gün nuruna lowurdap gider. Elinden pilini alyp işleseň özüňem şeýdip biläýjek ýalysyň, ýöne bu gaty bir beýle hem däldir. Her bir işiň tilsimi, ebeteýi bar. Ýa...

KÜÝZE

Küýze ýürek bagryňy dilip barýan mukam çalýardy. Onda iniňi düýrükdirýän awuly aýazyň gamkeş heňine meňzeş agynyň sesi bardy… ýumruk ýaly küýzejikde beýle ahy-pyganlar nädip ýerleşip bildikä? Bu bir küýze däl-de, jepa baryny gören betbagt derwüşiň ýüregi ýaly gam bilen, hyýal bilen doludy. Köwsarlap, ganat gerip aýlanýan ýel ody ölçerşi ýaly, onuňam derdini köredýärdi. Küýzäniň elewreýän, eňreýän derdi möwç alýardy. Ýel bolsa aýlanyp-dolanyp gižželeýärdi, ýumruk ýaly küýzäniň ...

TÜRKMEN SÖZÜNIŇ DÜRLERI

Ýeriň ýüzünde wagtyň, agyr-agyr heňňamlaryň, gerdişleriň şatysyna döz gelip bilýän söz ýaly başga bir gudrat barmyka?! Gök ummanlar bugaryp-bugaryp galýar, sary sähralara öwrülýär. Beýik-beýik binalar synýar. Hanasyna sygman çarpynýan tereň derýalar “wagty ýetse, gurap ýer dek bolýar”. Älemiň ýalaňaç ýüregine meňzäp duran belent-belent daglar gara ýeriň ýüregine bata-bata ýer bilen deňleşýär galyberýär. Iň uzak ýaşaýan çynar müň ýyl ýaşaýar. Söz weli galýar –...

MUGALLYM

«Eý, ýer, sen biziň ählimizi öz göwsüňde ekläp-saklaýarsyň. Eger sen bizi bagtyýar etmeseň, ýer bolmak seň nämäňe derkar, onda biz näme üçin dünýä inipdiris? Biz seniň zürýatlaryňdyrys, eý mukaddes toprak, bizi bagtyýar et sen, bagt ber bize».
Bu sözleri siziň edebiýatdan okadan ähli okuwçylaryňyzyň ýadyndadyr. Bize akyldarlaryň, beýik Magtymgulynyň, türkmen klassyk edebiýatynyň nurana ýyldyzlary bolup şöhle saçýan şahyrlarynyň goşgularyny ýat tutdurardyňyz. Ýaşaýyş,...

«DAG, BEÝIK DAG!»

«Pendi diýgen bir ajaýyp düz bolar» diýip hiňlenmäni gowy görýän çopana çola çalmarynda omçanyň jana ýakymly odunda «şyglap mukam çalýan kündügiň» lasyrdysyna goşup, «Şükür bagşyny» okap berýän günlerim ýadyma düşýär.
— Äl, bolsa-da göwnejaý ýazypdyr. Her jümlesi ýüregiňe jüňk bolup dur – diýip, Ýagmyr çopan öwran-öwran gaýtalaýar. – Şol daga çykyp:

– Ah çekdim, bilim büküldi,
Sütünim arşa çekildi,
Gözümden sil dek döküldi,
...

PUŞKIN

Şahyryň dünýäsi – täsin, tämiz, nurana. Bir şahyr söýgi – edil girmesi kyn, gireňsoň çykmasy asyl-ha mümkin bolmadyk gala ýaly diýip ýazypdy. Şahyryň dünýäsem bosagasyndan aýak basanyňdan soň, öz röwüşleri, päkizeligi, pikirkeşligi, badyhowalygy, hyjuwlylygy bilen bendi edip, ömürlik kökerip bilýän gudratly güýç. Şol ajaýyp dünýä biz ýuwaş-ýuwaş aralaşýarys. Edil şu dünýä nähili öwrenişip gidýän bolsak, şeýdip şahyryň dünýäsine-de maýyl bolýarys. Ömürlik ýadymyzda galýan göze...

LEGLEKLER

Leglekler uçup barýarmyşlar. Dilsiz-agyzsyz, sessiz-selemsiz ummanyň üstünden, onuň san-sajaksyz zire-zire tolkunlarynyň üstünden, umman üste abanan öýme ýaly ýukajyk dumanyň içinden geçip, peýwagtyna uçup barýarmyşlar. Olar uzak-uzak ýollary söküp ýadapdyrlar. Şonda-da olaryň boýunlaryny üzere getirip, öňe ümzük atyşlarynda, ganatlaryny takatly pelpelledip uçup baryşlarynda nadyllyk duýulmaýarmyş.
Ýumşak hem ýakymly ýaşalgalaryny taşlap, wagtlaýyn gaýry ýurda sary ...

WATAN HAKDA SÖZ

Daňdanyň ümüş-tamyşlygynda täze dogan bäbejigiň gulaklara ýakymly jägildisi selmeli sonar sähralaryň päkize asmanynda birgeňsi saýraýan torgaýlaryň owazyna goşulyşyp, ýaşaýşyň ömür-ömür diňmejek müdimi sazyny hasyl edýär. Bu diňe “Buşluk! Buşluk! Ogul jigim boldy!” diýip, galpajygyny tasadyp hatarlara şatlyk paýlap ýören gyzjagaz üçin däl-de, tutuş oba, ähli adamlar, külli adamzat üçinem begençlidir. Ynsanlar üçin ýene bir ynsanyň dogulmagyndan zyýada bagt bolup bile...

GÜNDOGAR ROWAÝATY

Men bir gyzjagazdym. Gözlerim monjuk ýaly ýanar durardy. Gulpajygym sähranyň garyş sere bolan maýsasy ýaly ýumşajykdy, ýele owsun atardy. Sährada aýakýalaň, başy açyk arzuwlarymyň yzyndan ylgamda, maňa ähli zadyň gözi giderdi. Asmandaky nurana ýyldyzlar balkyldaşyp, meniň bagtyma bendi bolardylar. Täze gelen gelin ýaly, gök kürteli sazaklar çagalygyma maýyl-maýyl bakardylar. “Ylga, oýna, ýaýna” diýip pyşyrdardylar. Lagly-merjenlerini seçeleýän ýaz ýagmyry ...

Gurbandurdy ORAZOW

✔ Sen öýden çykmasaň

Nätjek-dä, syryňy açmaly bolýar,
Ynan, şäher itleriniň beti kän.
Onsoň ýüzin salyp gaçmaly bolýar,
Ýüzne urup elementar etikaň.

Halys ýüregine düşdüm duralgaň,
Bu baglaň başyny mekir yraýan.
Şaýatdyr gyş dyza ýetip duran gar,
Tomus juda tukat mikroraýon.

Garagol çagalar kesekleýärler,
(Çagalar bagynyň ýanynda öýňüz).
Meni batyr etdi, çydamly etdi, ...