Duşuşyk

DUŞUŞYK

Bu gün ýol üstünde gördüm gözleriň,
Bir dem nura doldy ümmülmez älem.
Gursagymda niçe gowga gopsa - da,
Başym egdim bir söz diýe bilmänem.

Şeýdip hiç zat diýmän dymdyk-da geçdik,
Bir-biregiň hemem bagtyň deňinden.
"Seretsene
seret aşyk yzyňa!"
Diýip, bir ses aslyşýardy ýeňimden.

Belki-de ol meniň ýatlamalarym,
Belki saňa ýazan setirlerimdir.
Serimden aldyryp akyl-huşumy,
Dälilik hetdine ýetirmegimdir.

Garaz, nämedigne özüm hakda,
Biygtyýar garapdyryn yzyma.
Iň bolmanda ýene çekeje sekunt,
Bakmak isläp göwün söýen gyzyma.

Ýöne eýýäm töwerekden ýitipsiň,
Şonda bildim giňligini dünýäniň.
Gözlerimden näçe uzak bolsaň-da,
Ýüregimden ýitmäniňi bilýämiň.

Ilmyrat BABAÝEW