Главная » 2018 » Oktýabr » 12 » Gybat
22:17

Gybat

GYBAT

Pygamberimiz bir gün ýoldaşlaryna:
- "Gybat nämedir, bilýärmisiñiz?" diýip ýüzlenipdir. "Ony Alla we Pygamberimiz has gowy biler" diýip, beýlekiler jogap beripdirler. Şonda pygamberimiz:
- Gybat ~ bu dogany ýanynda ýok wagty ony kemsidip, ol barada göwnüne ýaramadyk bir zady agzyna almakdyr - diýipdir.
Diñleýänler: "Eger aýdylan kemçilikler doganymda bar bolsa, onda näme?" diýip sorapdyrlar. Onda Pygamberimiz: "Eger aýdan aýybyñyz doganyñda bar bolsa, onda siziñ gürrüñiñiz gybat bolýar" diýýär.
Diýmek, gybat bir adamyñ arkasyndan onuñ gowy görmejek, halamajak zatlary hakynda sözlemekdir. Ol adama töhmet atmakdyr, ynsan hökmünde kemsitmekdir.
Kurany-Kerimde şeýle buýrulypdyr:

"Biriñiz beýlekiñiziñ gybatyny etmesin. Beýle ýagdaýda Alladan gorkuñ. Alla tobalary kabul eder. Örän dözümsizdir".
("Hujurat" süresi, aýat 12).

• Ynsan başga biriniñ gybatyny näme üçin edýär?

Uly alym Ymam Gazaly "Gybatyñ belli-başly sebäplerinden birisi kinedir. Bir kişiniñ başga birine bolan kinesi sebäpli onuñ gybatyny etmekden keýp alýar" diýýär. Emma mömin kine saklamaz.

• Gybatyñ başga sebäbi-de göriplikdir

Aýratyn hem ynsan özünden zor, başarjañ bolan, halk köpçüligiñ içinde abraýy, hormaty uly bolan, ylymly bolan kişini onuñ üstünlikleri, artykmaçlygy sebäpli göriplik edýär, ony aýyplamaga çalyşýar. Pygamberimiz musulman doganynyñ arkasyndan gybat edenlere kyýamat gününde azap çekdiriljekdigini bildirip, şeýle buýrupdyr:

"Men magraç edilen gijäm (Pygamberimiziñ asmana çykarylan gijesi) bir topar adamyñ ýanyndan geçdim. Seretsem, olar mis dyrnaklary bilen ýüzlerini we gözlerini dyrnaçaklaýardylar. Men: "Eý, Jebraýyl, bular kimlerdir?" diýip soradym. Jebraýyl aleýhissalam: "Bular gybat edenler, adamlaryñ namys we abraýlaryn dokunanlardyr" diýdi. Gybat etmek günä bolşy ýaly, edilen gybaty diñlemek-de günädir. Musulman dogany bir ýerde gybaty edilýärkä, onuñ namys we abraýyna dil ýetirilýär, muny diñleýän kişä düşýän wezipe oň garşy bolmakdyr. Çünki bir musulmanyñ gany we maly ýaly, abraý-namysy-da dokunylmazdyr. Pygamberimiz buýurýar:

"Bir kişi doganynyñ namys we abraýy hakynda gybat edene garşy çykyp, ony gorasa, Allatagala kyýamat güni ol kişini dowzahdan uzaklaşdyrýar".

Musulman doganynyñ arkasyndan gybatyny edip, günä giden kişiniñ bu günäden gutulmak üçin toba etmegi ýeterlik bolmaz. Ol hem toba etmeli, hem-de gybatyny eden doganynyñ bagyşlamagyny gazanmalydyr. Diñe şeýle edilen wagtynda gybat eden günäsinden gutulyp biler.

Baýram GUMMANOW.

# adalat
Категория: Jemgyýetçilik tankydy | Просмотров: 702 | Добавил: Şahymerdan | Теги: Baýram Gummanow | Рейтинг: 3.8/6
Awtoryň başga makalalary

Jemgyýetçilik tankydy bölümiň başga makalalary


Teswirleriň ählisi: 13
0
1 Zerinaý  
5
Derwayys hem ýerlikli makala. Gybatyñ edilýän bolsa bir tarapdan- begenmeli, diymek sen olardan bolmanda bir basgançak õñdesiñ, iñ bolmanynda adamçylyk tarapyndan. ikinjiden biriniñ õzûñ hakda edyan erbet gûrrûñini eşidip eger bar bolsa şol kemçiligiñi dûzetmäge mûmkinçiligiñ bolya, bu bolsa iñ soñunda utušyñ gybaty edileniñ peydasyna bolýa boldygy. o dûnyade-de bu dünýä-de -de))

0
2 Zerinaý  
5
terbiye maksatly makala. Paýlašanñyza sagboluñ Şahymerdan aga

0
3 Garaýolly  
27
Hak aýdýaň,Zerina,juda oňat we derwaýys eser!

0
4 Oguzhan_aga  
65
Ýokarda bir hadis getiripdirler we onda ýalňyşlyk bar (belki bilmezlikdendir).
Şeýle bolmaly: bir adamyň gürrüňini adaňda ol adamam eşitse gynanjak bolsa, onda ol gybat bolar, eger aýdan zady ol adamda ýok bolsa onda ol töhmet bolar. Pygamberimizden sallallahü aleýhi wesellemden şony sorapdyrlar.
Eger Kur'andan aýat ýada hadis adyljak, ýazyljak bolsa seresap bolmaly. Bu saýtyň gurnaýjylary bunu düzetseler gowy bolar.

0
5 Oguzhan_aga  
65
Gybat biziň dinimizde uly günälerden saýylýandyr. Biziň nebsimiziň iň köp isleýän zady biriniň gürrüňini etmek, buda gybat boljak eken (kä bir ýagdaýdan başga).

0
6 Oguzhan_aga  
65
Biz başga biriniň biziň gürrünimizi etmegine begenmelem däldiris. Sebäbi ol şol gybatdan toba etmän ölse biziň üçin dowzahda ýanmaly boljak, buda gowy zat däl. Aşgabatdan 1999 ýylda ýogalan (Allah rahmet etsin) gagşallardan Berdimyrat ahunyň biri Düýesini ogurlapdyr we kimdigi bilinip tutulypdyr. Ahun aga şony öz islegi bilen boşatdyrypdyr. "Eger oňa zyndanda bir zat bolaýsa men sebäpli bolar, men muňa sebäp bolmaýyn" diýipdir. Bir adam biriniň bu dünýädäki jezasyna razy bolmaýan bolsa,biz nädip biz sebäpli biriniň o dünýädäki jezasyna razy bolup bileris.

0
7 Şahymerdan  
81
@Ogyzhanaga, nädogry zat aydañok welin, yone birtaraply pikir yöredyañ. Dogry, bizde musulman dözümsizligi bar, ynsan duygusy bar adam özgäniñ başyna düşjek erbetlige begenmez, hatda ol duşmany bolsada...
Emma ozganiñ gybatyny edip töhmetini yayradyanlar Allanyñ gAzabyna duçar bolsa, muña gybaty edilenler däl-de gybatkeşiñ özi sebap bolyar. Munuñ u.n oña ozi toba etmese señ etjek zadyñ bolmaz. Diñe Hudayyñ özi yerbe yer eder diyaymek galyar. Yone gybatkeşler yene bir zady yatdan çykaryarlar. Magşar güni bu günäni geçip geçmezligi gybaty edileniñ oz ygtyyaryna goyyar. Şoñ u.n erteki gun kyyamatlyk eşegi bolmajsk bolsak kişiñ gybatyny etmejek bolmaly

0
11 Oguzhan_aga  
65
Dogry aýdýaň Şahymerdan aga buňa gybatkeşiň özi günəkər. Men Zerina uýamyzyň pikirine diýdigimdi.
Agam bu gürrüňleriň hiçisi meniň öz gürrüňlerim däl, ýaşulylardan we ussatlardan eşiden gürrünlerimizdi. Aý agam şu gyýbat diýilýän zat biziň nebsimiziň isleýän zadyda, günälerimizden toba edenlrden bolalyňda hernä.

0
8 Şahymerdan  
81
Mizan terezide gybatyny edileniñ haýyr-sogaby azrak gelip, günäsi agyrrak gelse, öz gybatyny edenleriñ eden sogaplaryndan üstüni dolduryp jennete girmek yaly artykmaçlygy-da goylupdyr. Şonuñ u.n gaty bir gynanybam duramzok, gybatymyz edilse biggrin

0
9 Şahymerdan  
81
Yone birbada yuregiñi agyrdya, ozuñ barada bor-borgusyz hyşy-wyşy eşitseñ..

0
10 Şahymerdan  
81
Şo yokuş degya.

0
12 Garaýolly  
27
Gybatyň iri kökleriniň biri bahyllyk bolmaga çemeli.Bir bende halal zähmeti bilen durmuş arabasyny tigirläpýörse şoňa-da bahyllyk edilýär.Gybatkeşiň özi ýalta we hiç bir işe ukyby ýok. Şonuň üçin ol dilindäki ,,,gaýraty''' herekete girizýär.Ýagny,bäş-alty gybatsöýeriň ýanynda ýalana ýugurup, söz owadanlaýar. Nyşanasyna ajy-zäher pürkjek
gybat ony ýaýradýanyň özi üçin süýji. Aý,garaz, gybat,tohmet ynsan ömrüniň gara tegmili bolup durýar.Iň ýaman ýeri gybat ýassygy bolýan kişi bu myjabatlardan,köpülenç, bihabar galýar.Ýokarda oňat we janagyryly pikirler jan ködürilip aýdylypdyr.Sag bolsunlar.

0
13 Mekan  
Gybat diysene

Teswiri diňe saýta agza bolan ulanjylar goşup bilýär.
[ Agza bol | Saýta gir ]