10:01 Dünýä boýunça alty sany BTC milliarderi bar | |
|
DÜNÝÄ BOÝUNÇA ALTY SANY BTC MILLIARDERI BAR
Maliýe we ykdysadyýet
 Dünýäde ýüzlerçe million adamyň bitkoin bolsun ýa-da başga sifrowoý walýutalaryň biri bolsun, kripto aktiwleriniň bir görnüşi bar. Has takygy, “Henley & Partners” -yň “Crypto Wealth” hasabatyna görä 425 million adam kriptowalýuta ulanýar. Z nesliniň wekilleriniň ýarysyndan gowragy (18-25 ýaş aralygy) Bitkoine maýa goýupdyr. Şeýle-de bolsa, Amerikalylaryň 75% -i kriptowalýuta maýa goýmagyň, söwda etmegiň ýa-da ulanmagyň häzirki wagtda howpsuzdygyna ýa-da munuň üçin häzirki bar bolan gurallara bil baglap boljakdigine ynanmaýarlar. Soraga gatnaşanlaryň 45% -i maýa goýumlarynyň garaşyşlary ýaly netije bermändigini we diňe 15% -i garaşylýandan has ýokary netije berendigini aýtdy. “Henley & Partners” -yň maglumatlaryna görä, käbirleri kriptowalýutada has köp üstünlik gazanypdyrlar we häzirki wagtda millionlarça, hatda milliardlarça ABŞ-nyň dollary bolan aktiwleri bar. Kompaniýanyň hasabatynda 88200 adamyň azyndan 1 million dollarlyk kripto aktiwleriniň bardygyny, we onuň kriptowalýuta ulanyjylarynyň umumy sanynyň 1% -inden azdygy aýdylýar. Olaryň takmynan 40500-si maýa goýumlaryny bitkoinde saklaýarlar, bu bolsa umumy mukdaryň 46% -iň sähelçe az bölegini düzýär. 100 million dollardan gowrak kripto aktiwleri bolan “Santimillioner” diýlip atlandyrylýanlar has azdyr. Dünýäde bary-ýogy 182 sany maýa goýujy bar, şolardan 78-siniň bitkoinlere ünsüni jemländigi habar berilýär. 22 adamda azyndan 1 milliard dollar bahasy bolan kriptowalýuta aktiwleri bar. Olaryň altysy maýa goýumlaryny bitkoinlerde saklaýar, kriptomillionerleriň we santimillionerleriň arasynda bu has kiçi paýdyr. Şol wagt hasabat ýazylanda kriptowalýuta bazarynyň umumy bahasy 1,18 trillion dollar boldy-diýip, cnbc-a salgylanyp ixbt.com saýty habar berýär. | |
|
| |
| Teswirleriň ählisi: 3 | ||||
| ||||
0
