Pygamberimize aşyklaryñ sowgady / dowamy

NURU-KYÝAMAT SALAWATY

Bir daşyň ýüzünde gudrat bilen ýazylan bu salawat «Kyýamat nury salawaty» diýip atlandyrylandyr. Onuň sebäbi bu salawaty okanlara kyýamat gününde sansyz nurlar bardyr.
Käbir aryflaryň aýtmagyňa görä, bu salawaty 1 gezek okamaklyk 14 müň salawata deňdir:
«Alla:humme salli аlä: seýýidinä: muhammedin bahri enwä:rike we magdini esra:rike we lisä:ni hujjetike we aru:si memleketike we imä:mi hazratike we tyra:zi mulkike we hazä:ini rahmetikel mutelezzizi bitewhi:dike insä:ni aynil wuju:di wessebebi fi: kulli mewjuidin ayýi agýä:ni halkykel mutekaddimi min nu:ri zyýa:ike salä:teň tedu:mu bidewä:mike we tebka: bibeka:ike lä: muntehä: lehä: du:ne ylmike salä:teň turzyike we turzy:hi we terza: bihä: annä: ýä: Rabbel a:lemi:n».

SAADET (BAGTYÝARLYK) SALAWATY

Bu salawat 600 müň salawat aýtmaklyga deňdir. Muňa «Saadet salawaty» diýilmeginiň sebäbi iki dünýä abatlygyny gazandyrmaklyga sebäp bolandygy üçindir. Müň sapar okamak dünýä we ahyrýet asudalygyny gazanmaklyk üçin ýeterlikdir.
Seýýid Ahmed Dahlan rahimehullah salatu-salam hakynda ýazan işinde şeýle diýipdir: «Fazyletli we aňrybaş salawatlaryndan bolan bu salawaty her juma 1000 gezek okamaklygy adat edinen adam iki dünýäde-de said (hoşbagt) bolar».
Şeýh Derdi kuddise sirruhunyň zikrinden bolan bu salawat wird (doga) okaýan wagty 3 sapar gaýtalanar.
Bu salawatdan başlap, 3 gezek gaýtalanylmaly salawatlar başlanýar.
«Alla:humme salli alä: seýýidinä: muhammedin adede mä: fi: ylmillä:hi salä:teň dä:imetem bidewä:mi mulkillä:h».

NEJAT SALAWATY – SALATI TUNJINÄ

Ymam-Semhudi rahimehullah «Jewahirul-ykdeýn fi fazliş-Şerafeýn» atly kitabynda şeýle diýipdir: «Ala getiren (pis açan) ýaly ýokanç kesellerden halas bolmak isleýän adam bu salawaty köp okasyn. Her bir adam möhüm bir hadysa bilen garşylaşanda bu salawaty 1000 (müň) gezek okasa, Allah Tagala ol adamyň kynçylygyny aýyrar».
Melewi rahimehullahyň beýan etmegine görä, 500 (baş ýüz) gezek okan adam inşallah myradyna (aýratyn hem baýamak arzuwyna) ýeter.
Nebhany rahimehullahyň «Hazinetul-esrar» eýesi Seýýid Muhammed Hakkynyň gürrüň bermegine görä, bu salawaty okanynda «Äli» söz bölegini goşmaklyk has fazyletlidir. Sebäbi hadysy-şerifde salaty-salam aýdylanda umumylaşdyryp, Ähli Beýtiň hem goşulmagyny ugrukdyrypdyr.
Şeýhi Ekber Muhýiddin Ibni Araby kuddise sirruhu-da bu salawaty «Äli» kelimesi bilen zikir edipdir we» şeýle diýipdir: «Bu salawat Arşyň hazynalaryndan bir hazynadyr. Gijäniň ýarynda dünýe we ahyrýete degişli bolan islendik bir hajat üçin muny 1000 (müň) sapar okan adamyň Allahu Tagala dilegini ýerine ýetirer».
Bu salawat doganyň kabul bolmaklygynda tarfata aýn (göz açyp ýumasy salym) yyldyrym deý çaltlykdan hem çaltdyr.
Ibnül-Takihany Musa ed-Dari rahimehullahyň şeýle diýendigini ýatlapdyr: «Bir gezek deňizde öran az adamyň halas bolup biläýjegi bir gaý-tupana gabat geldim. Ynsanlar dady-perýat edip başlanlaryndan maňa bir rahatlyk geldi. Şol pursatda Resulullah sallallahu aleýhi wesellemi görüm. Ol sallallahu aleýhi wesellem maňa: «Gämidäkilere aýt, (1000) müň gezek şu salawaty okasynlar» – diýdi. Şol wagtyň özünde gämidäkilere bolan wakany duýdurdym. Entäk üç ýüz gezek okapdyk weli, eýýäm Allah Tagala tupany ýatyrdy.
DYKGAT! BU SALAWATY KÄBIR ULULARYMYZYŇ DOWAMLY OKANYNA GABAT GELDIK. MESELEM: HEZRETI ŞEÝH MUHAMMETOSMAN NAGYŞBENDI KUDDISE SIRRUH, MERHUM MOLLA GELDIMUHAMMET AGA, HEZRETI ŞEÝH MAHMUT NUAÝMY, HEZRETI ŞEÝH ABDULLAH WE BAŞGALAR.
«Alla:humme salli alä: seýýidinä: muhammediw we alä: ä:li seýýidinä: muhammediň sala:teň tunjünä: bihä: min jemi:yl ehwä:li wel ä:fa:ti we takzy: lenä: bihä: jemi:al ha:jä:ti we tutahhirunä: bihä: min jem:ys seýýiä:ti we terfäuna: bihä: indeke agled derajä:ti we tubelligunä: bihä: äksal ga:ýä:ti min jemii:yl haýra:ti fil haýä:ti we bagdel memä:ti inneke alä: kulli şeý in kadi:r».

RYZAIÝÝE SALAWATY

Geçen alymlarymyzyň käbiriniň aýtmagyňa görä, bu salawaty 70 sapar okap, yzyndan edilen doga kabul bolýandyr:
«Alla:humme salli alä: seýýidinä: muhammediň salä:ter riza: we alä: esha:bihi: riza:er riza:»

RAUFU RAHYM SALAWATY

Bu salawat iň uly salawatlardan biri bolup, köp okamaklyk maslahat berilýär:
«Alla:humme salli we sellim we bä:rik alä: seýýidinä: muhammedinir rau:fir rahy:mi zil hulukyl azy:mi we alä: ä:lihi: we esha:bihi: we ezwä:jihi: fi: kulli lehzatin adede kulli ha:disiw we kadi:m».

FATIH SALAWATY

Muhammed el-Bekri kuddise sirruhu hezretlerine degişli bolan bu salawat şeýle bir güýçli salawatdyr ki, Resuly Ekrem sallallahu aleýhi wesellemiň many, älemindäki beýany boýunça, ömründe iň bolmanda ýekeje gezek bolsa-da, okan ynsan jähenneme girmez. (Jähenneme girjek ynsana okamaklyk nesip etmez).
Günbatar pirleriniň käbiriniň pikirine görä, bu salawat Alla Tagaladan bir sahypa bilen bu mübärege inderlendir. Bu salawatyň bir gezek okalmasy Kurany-Kerimi 6 gezek hatm etmeklige deňdir. Käbir rowaýatlarda oň müň, käbirinde bolsa, alty ýüz müň salawat okamaga deňdir. Bu salawaty 40 gün okamaklyga dowam eden ynsana Allahu Tagala ähli günälerinden toba nesip eder. Kim bu salawaty penşenbe ýa-da anna, ýa-da duşenbe gijesi 1000 gezek okasa, Resulallah sallallahu aleýhi wesellem bilen oýa wagtynda görüşer.
Ýagny bu 4 rekagat namazyň yzyndan okalmalydyr. Namazyň birinji rekagatynda Elhamdan soň, 3 gezek «Gadyr» süresi, ikinji rekagatynda 3 gezek «Zelzele» süresi, üçünji rekagatynda 3 gezek «Käfirun» süresi, dördünji rekagatynda bolsa, 3 gezek «Felak» we «Nas» süreleri okalmaly.
Ahmet Dehlany rahimehullahyň aýtmagyňa görä, bu salawaty günde 100 (ýüz) gezek okamaklygy dowam eden adama magnawy perdeler açylar we Allahu Tagaladan başga hiç kim onuň derejesini bilmez, nurlar saçylar.
Bu salawatyň eýesi: «Ömründe bir gezek şu salawaty okan adam jähenneme girse, Alla Tagalanyň ýanynda meni tutsun» – diýipdir.
Bu sözüň eýesi bolan mübarek Abdulkadyr Geýlany kuddise sirruhudan soňra: «Meniň bu aýagym Günbatar we Gündogardaky ähli welileriň boýnunyň üstündedir» – diýen ikinji mübärekdir. Bir gezek bolsa, Resulallah sallallahu aleýhi wesellemiň gabryny zyýarat edip ýörkä, Resuly-Ekrem sallallahu aleýhi wesellem oňa: «Alla seni we zurriýetliňi (nesliňi) mübärek eýlesin!» – diýip ýüzlenipdir. Şarany, Şihab we Munawy ýaly birnäçe alymlar mübäregi aňrybaş derejede öwüpdirler. Salawat budur:
«Alla:humme salli we sellim we bä:rik alä: seýýidinä: muhammedinil fä:tihi limä: uglika wel ha:timi limä: sebeka wen nä:syril hakky bilhakky wel hä:di: ilä: syra:tykel mustäky:mi sallalla:hu aleýhi we аlä: ä:lihi we esha:bihi hakka kadrihi we mikdä:rihil azy:m».

NURU-ZATY SALAWATY

Ebul-Hasan eş-Şazeliýe degişli bolan bu salawat ýüz müň gezek salawat aýtmaklyga deňdir. Bir kynçylyk ýüze çykanda bolsa, 500 (bäş ýüz) gezek okalmalydyr.
Bu salawatda Resulallah sallallahu aleýhi weselleme: «Allah Tagalanyň Zatynyň nury» diýilmeginiň sebäbi, Allah Jelle jelaluhunyň Resuly-Ekrem sallallahu aleýhi wesellemin nuruny hiç hili zatsyz öz gudratyndan ýaradanlygy üçindir.
Hakykatdanam, Resulallah sallallahu aleýhi wesellemiň barlygynyň açary, ýaradylyşyň esasy bolandygy bir sahaba razyýallahu anhunyň rowaýat eden şu hadysy-şerifinde beýan edilendir. Ýagny Abdurrezzak rahimehullahyň Jabyr ibni Abdyllah razyýallahu anhudan rowaýat eden hadysy-şerifinde şeýle diýilipdir: Bir gezek men:
– Eý, Resulallah! Enem-atam saňa pida bolsun! Allahu Tagalanyň ähli zatdan owal ýaradan ilki zadyny maňa aýdarmysyň! – diýenimde, ol:
– Eý, Jabyr! Allahu Tagalanyň bütin barlygy ýaratmanka, seniň Pygamberiň nuruny öz nurundan ýaradandygy şübhesizdir. О nur gudrat bilen Allahu Tagalanyň islän ýerlerinde aýlanmaga başlandyr. О wagt ne Lewh, ne Galam, ne Jennet, ne Jähennem, ne Perişde, ne Asman, ne Ýer, ne Gün, ne Aý, ne Jyn, ne-de Ynsan bardy – diýdi.
Allahu Tagala mahlukaty ýaratmak üçin ol nury 4 bölek etdi. 1-nji böleginden Galamy, ikinjisinden Lewhi, üçünjisinden Arşy ýaratdy. Soňra dördünji bölegi hem dört bölege aýyrdy. Birinji böleginden Arşy göterýän perişdeleri, ikinjisinden Kürsi, üçinjisinden bolsa galan perişdeleri ýaratdy:
Soňra 4-nji bölegini ýene-de 4 bölege böldi. Birinjisinden gökleri, ikinjisinden ýerleri, üçünjisinden bolsa Jennet we Dowzahy ýaratdy. Dördünji parçany-da dörde bölüp, birinjisinden möminleriň gözleriniň nuruny, ikinjisinden kalplaryň nury bolan Allahu Tagalany bilmegi, üçünjisinden ynsanlygyň nury bolan tewhidi ýaratdy. O-da: Lä Ilahä, Illallah Muhammedür Rasulullaha ynanmaklarydyr. Salawat budur:
«Alla:humme salli we sellim we bä:rik аlä: seýýidinä: muhammedinin nu:riz zä:tiýýi wessirris sä:ri fi: sä:iril esmä:i wessyfä:ti».

KEREMUL-USUL SALAWATY

Resulallah sallallahu aleýhi wesellemiň Adam Ata we Howa Ene aleýhis selamlardan bäri öz eje-kakasy bolan Abdulla we Emine razyýallahu anhumä çenli ähli ene-atalarynyň sylagly we keremli bolandygyny bildirýän bu salawatyň fazyleti hakykatdanam uludyr. Muny kän okamaklyk Resulullah sallallahu aleýhi wesellemiň aýratyn söýgüsini gazandyrar. Salawat budur:
«Alla:humme salli we sellim we bä:rik alä: seýýidinä: muhammedin keri:mil ä:bä:i wel ummehä:ti».

ÄHLI TARIK SALAWATY

Ahmed ibni Muhammet Et-Derdir kuddise sirruhu «Es-Salatül-Kemaliýýe» diýip meşhur bolan bu salawata başlandyr.
Bu salawat her namazyň soňunda 10 gezek, beýleki namazlarda bolsa, ýüz gezek okalan möhüm zikirlerdendir.
Gazanyljak sogap barada aýdylanda bolsa, bu salawatyň sogabynyň soňy ýokdur. Sebäbi Allahu Tagalanyň kemalatynyň (kämilliginiň) soňy ýokdur. Şonuň üçin Tarykat ähli-de (tarykata girenler) bu salawatyň okamaklygy makul bilipdirler.
Rowaýat edilişine görä, bu salawaty-şerifiň sogaby on dört müň salawat okamaklyga deňdir:
«Alla:humme salli we sellim we bä:rik alä: seýýidinä: muhammediw we alä: ä:lihi: adede kemä:lillä:hi we kemä: ýeli:ku bikemä:lihi:».

INGAM (NYGMAT) SALAWATY

Okamaklyk bilen dünýä we ahyrýetiň nygmat gapylaryny açjak bu salawatyň sogaby sanardan kändir:
«Alla:humme salli we sellim we bä:rik alä: seýýidinä: muhammediw we alä: ä:lihi: adede in-a:millä:hi we ifza:lihi:».

KEMALIÝÝE SALAWATY

Bu salawat geçen alymlaryň rowaýat etmegine görä, 70 müň, käbirleriniň bellemegine görä bolsa, ýüz müň salawat okamaklyga deňdir.
Çünki bu salawatda Alla Tagalanyň kemalatynyň (kämilliginiň) soňsuzlygy beýan edilendir:
«Alla:humme salli we sellim we bä:rik alä: seýýidinä: muhammediw we alä: ä:lihi: kemä: la: nihä:ýete likemä:like we addi kemä:lihi:».

WYSAL SALAWATY

Bu salawaty okamagy dowam eden adamy Allahu Tagala Habyby sallallahu aleýhi weselleme gowuşdyrjagy üçin bu salawat şu at bilen atlandyrlandyr. Ebul-Hasan eş-Şazeli rahimehullah: «Resulallah sallallahu aleýhi wesellem gözümden bir pursat aýrylsa, özümi musulmanlardan hasaplamaryn» – diýipdir.
Mustafa sallallahu aleýhi wesellemiň wysalyna (didaryna) gowuşmagyň lezzetini dadan adam Rebbiniň-de wysalynyň lezzetini dadar. Wysala (didara) iň tiz gowuşdyrýan sebäpleriň biri bolsa, söýgüliniň sypatlaryny kän pikirlenmek, Oňa kän salawat okap, her ýerde hyýalyna getirmekdir:
«Alla:humme salli we sellim we bä:rik alä: seýýidinä: muhammediw we alä: ä:lihi: salä:teň teli:ku bijemä:lihi: we jelä:lihi: we kemä:lihi: we salli we sellim we bä:rik alä: seýýidinä: muhammediw we alä: ä:lihi: we eziknä: bissalä:ti aleýhi lezzete wisa:lihi:».

TYBBY ZAHIRI WE BATYNY SALAWATY

Resulallah sallahu aleýhi welselleme aýdylýan bu salawat ýüreklerdäki ulumsylyk, özüne göwniýetmek, öýke-kine, görüplik, şirk we şek ýaly dertleriň dogasydyr. Bedende döran keselleň şypalygy, gözleriň we göreçleriň nurulygy beýan edilendir.
Hadysy-şeriflerde Resulallah sallallahu aleýhi wesellemiň hassalyklara şypa bermeklige ukyply bolanlygy aýdyňlanandyr.
Isa aleýhis selamyň körleriň gözlerini açanlygy, bejerenligi «Maide» süresi: 110-njy aýat) Kurany-Kerimde beýan edilendigine seretsek, Resulullah sallallahu aleýhi wesellemiň hem ondan köp keselleri bejerendigi geňlärlikli däldir. Geçen alymlaryň aýtmaklaryna görä, bu salawat islendik bir keseliň üstine 12 müň, käbir rowaýatda bolsa, 4 ýüz gezek okalsa, şypa tapar:
«Alla:humme salli alä: seýýidinä: muhammediň tybbil kulu:bi we dewä:iha: we a:fýetil ebdä:ni we şifä:iha: we nu:ril ebsa:ri we zyýä:iha: we alä: ä:lihi: we sahbihi: we sellim».

ALIÝÝÜL-KADR SALAWATY

Ymam Suýuty rahimehullahyň beýan etmegine görä kim-de kim her juma gijesi bu salawaty iň bolmanda bir gezek okamaklygy dowam etse, ony gabryna Resulallah sallallahu aleýhi wesellemiň özi ýerleşdirer.
Käbir aryflar bolsa: «Ummasyz fazylete we gymmatly haýyrlara ýetmek üçin bu salawaty her gije 10 gezek, juma gijesi bolsa, 100 gezek okamaklygy dowam etdirmelidir» – diýip nygtadylar. Salawat budur:
«Alla:humme salli alä: seýýidinä: muhammedin nebiýýil ummiýýil habi:bil a:lil kadril azy:mil jä:hi we alä: ä:lihi: we sahbihi: we sellim».

LUTFU HAFY SALAWATY

Abdulwehhab eş-Şa'rany kuddise sirruhuwa degişli bolan bu 2 salawat Allahu Tagalanyň gizlin lutfyna ýetişmeklik üçin okalýan dogadyr. Umuman aýdylanda, bu salawtlary okany dünýede we ahyryýetde Allahu Tagalanyň soňsuz lutfy gaplar. Ikinji salawaty bolsa, käbir Allah dostlary Resulallah sallallahu aleýhi wesellemden oýa ýagdaýda alypdyrlar:
«Alla:humme salli alä: seýýidinä: muhammedin nebiýýil ummiýýi we alä: ä:lihi: we sahbihi: we sellim adede mä: fis semä:wä:ti we mä: fil arzy we mä: beýnehumä: we ejri ýä: Rabbi lutfekel hafiýýe fi: umu:rinä: wel muslimi:ne ejmay:ne».
«Alla:humme salli alä: seýýidinä: muhammedin sala:te ählis semä:wä:ti wel erazy:ne aleýhi we ejri ýä: Rabbi lutfekel hafiýýe fi: emri: wel muslimi:n».

YBRAHIMIÝÝE SALAWATY

Bu salawat Resulallah sallallahu aleýhi weselleme okaljak salawatlaryň iň aňrybaşlaryndandyr. Bir kişi: «Resulallah sallallahu aleýhi weselleme fazyletli okajak» – diýse, sözünde durmaklygy üçin bu salawaty okamaklygy ýeterlikdir. Çünki bu Resulallah sallallahu aleýhi wesellemiň sahabalaryna öwreden salawatydyr.
Buharynyň rowaýat eden bir hadysy-şerifinde bu salawaty okana Resulallah sallallahu aleýhi wesellemiň şaýat we şepagatçy boljakdygy aýdylandyr.
Ibni Hajer Heýteminiň aýtmagyňa görä, parz namazynda-da «Seýýidinä» kelimesini goşup aýtmaklyk edepdendir. Bu salawaty 1000 (müň) gezek okan adamyň Allah Tagalany düýşünde görjekligi barada käbir alymlarymyz aýdyp geçipdir. Käbir weliler bolsa, 1000 (müň) gezek okamaklygyň Resulallah sallallahu aleýhi wesellemi görmeklige sebäp boljakdygyny aýdypdyrlar. Salawat budur:
«Alla:humme salli alä: seýýidinä: muhammediw we alä: ä:li seýýidinä: muhammediw we bä:rik ala: seýýidinä: muhammediw we alä: ä:li seýýidinä: muhammedin kemä: salleýte we bä:rakte alä: seýýidinä: ibra:hi:me we alä: ä:li seýýidinä: ibra:hi:me fil a:lemi:ne inneke hami:dum meji:d».

ÜMMEHATUL-MÜMININIŇ SALAWATY

Bu salawatda musulmanlaryň Eneleri bolan Pygamberimiz sallallahu aleýhi wesellemiň maşgalalary agzalýar. Bu salawaty şerifäniň peýdasy gaty köpdür. Şolardan biri hem Pygamber aleýhis salama we mübärek Enelerimiz bolan aýallaryna bolan sylag-hormaty güýçlendirýär. Munuň netijesinde kyýamat güni olaryň şepagatyna gowuşmak bardyr:
«Alla:humme salli we sellim we bärrik alä: seýýidinä: muhammediw we ezwä:jihi: ummehä:til mu'mini:ne we alä: ä:lihi: we esha:bihi:ejmay:n».

TAHIRI MUTAHHIR SALAWATY

– Resulallah sallallahu aleýhi wesellemiň maddy we magnawy ähli hapalyklardan tämizligini we şol wagtyň özünde özüne ynananlary hem ähli erbetliklerden, pisliklerden tämizlänligini beýan edýän bu salawaty okamaklygy dowam eden kişi düýe we ahyrýetde tämiz bolmaklyk bilen sylaglanar:
«Alla:humme salli alä: seýýidinä: muhammedin nebiýýil ummiýit ta:hiril mutahhiri we alä: ä:lihi: we sahbihi: we sellim».

ZATÜL MENAKIBIL-FAHIRA SALAWATY

Aýyň bölünmegi, jansyz zatlaryň tesbihiniň mübärek elinde eşidilmegi, keýik we we düýe ýaly haýwanlaryň dillenip geplemegi ýaly Resuly Ekrem sallallahu aleýhi wesellemiň anyk mugjyzalaryny, Allahu Tagalanyň Habyby bolmaklyk, Adam ogullarynyň iň üstüni bolmaklyk, şepagat etmeklige we Kewser howzuna eýe bolmaklyk ýaly Resulallah sallallahu aleýhi wesellemiň beýik kyssalaryny beýan edýän bu dört sany salawatyň fazyleti örän köpdür.
Ýokardaky salawatdan soňra okalan: «Biziň onuň tämiz ahlagy bilen ahlaklandyr» dogasy adamyň welaýaty-kubra (Iň üstün welilik) derejesine ýetmekligine sebäpdir. Salawatlar budur:
1. «Alla:humme-salli we sellim we bä:rik alä: seýýidinä: muhammediň zil mugjizä:til bä:hirati.
2. We salli we sellim we bä:rik alä: seýýidinä: muhammediň zil menä:kybil fä:hirati.
3. We salli we sellim we bä:rik alä: seýýidinä: muhammediň fid dunýä: wel ä:hyrati.
4. We salli we sellim we bä:rik alä: seýýidinä: muhammediw we halliknä: biahlä:kyhit ta:hirat».

WESILE WE FAZYLE SALAWATY

Abdullah ibni Amr raziýallahu anhdan rowaýat edilen bir hadysy-şerifde Resuly-Ekrem sallallahu aleýhi wesellem: «Kimde-kim (jennetdäki iň ýokary dereje bolan we Allahyň gullaryndan diňe birine nesip ediljek) wesile derejesine ýetişmekligi Meniň üçin dilese, oňa Meniň şefagatym halal bolar» – diýipdir.
Ýagny fazyleti bol bolan şu 3 (üç) salawaty okan kişä Resulu Ekrem sallallahu aleýhi weselleme wesile we fazylet islänligi üçin Resulallah sallallahu aleýhi wesellemiň şepagat etjekdigi wada berilendir:
1. «Alla:humme salli we sellim we bä:rik alä: seýýidinä: muhammediw weheb lenä: kalben şeku:ra:. We salli we sellim we ba:rik alä: seýýidinä: muhammediw wej-al sagýenä: meşku:ra:. We salli we sellim we bä:rik аlä: seýýidinä: muhammediw welakkynä: nazratew we suru:ra:. We salli we sellim we ba:rik alä: seýýidinä: muhammediw we elky aleýnä: minke mehabbetew we nu:ra:. We salli we sellim we bä:rik alä: seýýidinä: muhammediw weheb lenä: sirram bilesra:ri mesru:ra:».
2. «Alla:humme salli we sellim alä: seýýidinä: muhammedinis sa:dikyl emi:n. We salli we sellim аlä: seýýidinä: muhammedinil lezi: jä:e bilhakkyl mubi:n. We salli we sellim аlä: seýýidinä: muhammedinil lezi: erseltehu rahmetel lila:lemi:n. We salli we sellim аlä: seýýidinä: muhammediw we аlä: jemi:yl enbiýä:i wel murseli:ne we аlä: a:lihim we sahbihim ejmay:ne kullemä: zekerakez zä:kiru:ne we gafele an zikrihimul ga:filu:n».
3. «Alla:humme salli we sellim we bä:rik alä: seýýidinä: muhammediw we аlä: sä:iri enbiýä:ike. We salli we sellim we bä:rik alä: seýýidinä: muhammediw we аlä: melä:iketike we ewliýa:ike min ehli arzyke we semä:ike adede mä: kä:ne we adede mä: ýeku:nu we adede mä: huwe kä:inuň fi: ylmillä:hi ebedel a:bidi:ne we dehrad dä:hiri:ne wej-alna: bissalä:ti aleýhim mines syddi:ky:nel ä:mini:ne ýä: Rabbel a:lemi:n».

FETH SALAWATY

Kimde-kim bu salawaty kyrk gün ertir namazyndan soň okasa, bagly işleri açylar, zyndanda bolsa, halas bolar, duşmanlaryndan üstüm çykar. Bu salawaty fethi Akmuhammet işan her jumga güni okapdyr:

«Essala:tu wessela:mu aleýke ýä: rasu:lalla:h.
Essala:tu wessela:mu aleýke ýä: habi:balla:h.
Essala:tu wessela:mu aleýke ýä: hali:lalla:h.
Essäla:tu wessela:mu aleýke ýä: nebiýýalla:h.
Essäla:tu wessela:mu aleýke ýä: safiýýalla:h.
Essäla:tu wessela:mu aleýke ýä: nejiýýalla:h.
Essäla:tu wessela:mu aleýke ýä: haýra halkillä:h.
Essäla:tu wessela:mu aleýke ýä: nura arşillä:h.
Essäla:tu wessela:mu aleýke ýä: emüne wahýilla:h.
Essäla:tu wessela:mu aleýke ýä: men ihtä:rahulla:h.
Essallitu wessela:mu aleýke ýä: men zeýýenehulla:h.
Essäla:tu wessela:mu aleýke ýä: men erselehulla:h.
Essäla:tu wessela:mu aleýke ýä: men şerrafehulla:h.
Essäla:tu wessela:mu aleýke ýä: men kerramehulla:h.
Essäla:tu wessela:mu aleýke ýä: men azzamehulla:h.
Essäla:tu wessela:mu aleyke ýä: men allemehulla:h.
Essäla:tu wessela:mu aleyke ýä: seýýidel murseli:n.
Essäla:tu wessela:mu aleýke ýä: imä:mel muttaky:n.
Essäla:tu wessela:mu aleýke ýä: ha:temen nebiýýi:n.
Essäla:tu wessela:mu aleýke ýä: rahmetel lila:lemi:n.
Essäla:tu wessela:mu aleýke ýä: şef:al muznibi:n.
Essäla:tu wessela:mu aleýke ýä: rasu:le rabbil a:lemi:n.
Essäla:tu wessela:mu aleýke ýä: seýýidel ewweli:n.
Essäla:tu wessela:mu aleýke ýä: seýýidel a:hir:n.
Essäla:tu wessela:mu aleýke ýä: ka:idel mürseli:n.
Essäla:tu wessela:mu aleýke ýä: şefi:al ümmeti.
Essäla:tu wessela:mu aleýke ýä: azi:mel himmeti.
Essäla:tu wesselä:ämü aleýke ýä: ha:mile liwä:il hamd.
Essäla:tu wessela:mu aleýke ýä: sa:hibe maka:mil mahmu:d.
Essäla:tu wessela:mu aleýke ýä: sa:kyýel hawzil mewru:d.
Essäla:tu wessela:mu aleýke ýä: ekserennä:si tebean ýewmel kyýä:meh.
Essäla:tu wessela:mu aleýke ýä: seýýide weledi Ä:dem.
Essäla:tu wessela:mu aleýke ýä: ekramel ewweli:ne wel ä:hyri:n.
Essäla:tu wessela:mu aleýke ýä: beşi:r.
Essäla:tu wessela:mu aleýke ýä: nezi:r.
Essäla:tu wessela:mu aleýke ýä: da:yýella:hi bi iznihi: wessira:jil muni:r.
Essäla:tu wessela:mu aleýke ýä: nebiýýer rahmeti.
Essäla:tu wessela:mu aleýke ýä: nebiýýet tewbeti.
Essäla:tu wessela:mu aleýke ýä: mukaffiýes salä:ti.
Essäla:tu wessela:mu aleýke ýä: a:kib.
Essäla:tu wessela:mu aleýke ýä: ha:şir.
Essäla:tu wessela:mu aleýke ýä: muhtä:r.
Essäla:tu wessela:mu aleýke ýä: mä:hy:.
Essäla:tu wessela:mu aleýke ýä: Ahmed.
Essäla:tu wessela:mu aleýke ýä: seýýidi: Muhammed.
Saläwä:tulla:hi we melä:iketihi: we enbiýä:ihi: we rusulihi: we hameleti arşihi: we jemi:y halkihi: aleýke we alä: ä:like we esha:bike ejmäy:ne we rahmetulla:hi we berakä:tuh».

DÜRLI SALAWATLAR

Bismilla: hirrahmä: nirrahy:m

1. Kazy Iýaz rahmetullahi aleýhi «Şifau şerif» kitabynda şeýle ýazypdyr: «Pygamber aleýhis selam: «Kimde-kim bu salawaty okasa, Meniň şepagatym oňa wajyp bolar» – diýdi.
«Alla:humme salli alä: Muhammediw we enzilhül munzelel mukarrabe yndeke ýewmel kyýarmeti».
2. Enes ibni Mälikden rowaýat edilişine görä, Pygamber aleýhis selam şeýle buýurdy: «Kimde-kim jumga güni şu şekilde Maňa salawat aýtsa, Hudaý Tagala onuň segsen ýyllyk günäsini bagyşlar».
«Alla:humme salli alä: Muhammedin abdike we rasu:liken nebiýýil ummiýýi».
3. «Ezhar» atly kitapda Ebu Saydyl Hudri razýyallahu anhudan rowaýat edilişine görä, Pygamber aleýhis selam şeýle diýdi: «Bir garyp kişi, sadaka berýänleriň sogaby ýaly sogaba eýe bolmak islese, şu şekilde Maňa salawat getirsin».
«Alla:humme salli alä: Muhammedin abdike we rasu:like we salli alel mu'mini:ne wel mu'minä'ti wel muslimi'ne wel muslimä't».
4. «Ezharul ehadis» atly kitapda Hezreti Enes ibni Mälikden rowaýat edilişine görä, Pygamber aleýhis selam şeýle diýdi: «Kimde-kim şu şekilde Maňa salawat getirse, onuň gazanan sogaby ýaly hiç kim amal edip bilmez. Sebäbi Hezreti Jebraýil aleýhis selam Maňa şeýle öwretdi».
Bu salawatyň fazileti kändir. Şolardan biri hem, yhlas bilen bu salawaty Pygamber aleýhis selamyň gabryna zyýaratyna baranynda okasaň, Pygamber aleýhis selamyň salamyna jogap berjekdigi habar berlendir.
«Alla:humme salli alä: seýýidinä: Muhammedinin nebiýýi kemä: emertenä: en nusalliýe aleýh. We salli alä: seýýidinä: Muhammedinin nebiýýil ummiýýi kemä: ýenbägi: en ýusalliýe aleýh. We salli alä: seýýidinä: Muhammedinin nebiýýi biadedi men lem ýusalli: aleýh. We salli alä: seýýidinä: Muhammedinin nebiýýi kemä: tuhibbü en ýusalliýe aleýh».
5. «Rawzatul ehbab» kitabynda Hezreti Ebu Bekr razyýallahu anhu şeýle rowaýat edipdir. Men günlerde bir gün Pygamber aleýhis selamyň sag tarapynda otyrdym. Şol wagt gapydan bir çarwa arap geldi. Pygmaber aleýhis selam ol gelen myhmany meniň bilen öz arasynda oturtdy. Ol adam turup gidenden soň, men Pygamber aleýhis selamdan:
– Eý. Resulallah! Ol kişini ikimiziň aramyzda oturtdyň. Munuň sebäbi näme? – diýip soradym. Pygamber aleýhis selam:
– Ol kişi her gün maňa şu şekilde salawat getirýärdi – diýdi.
«Alla:humme salli alä: Muhammedin kemä: huwe ehluh. Alla:humme salli аlä: Muhammedin kemä: tuhibbu we terza: lehu:».
6. Pygamber aleýhis salam şeýle diýdi: «Kimde-kim Maňa günde şu şekilde 100 (ýüz) gezek salawat getirse, kyýamat gününde Allahyň huzurynda oňa şepagat etjekdirin». Başga bir rowaýatda bolsa, şeýle gelipdir: «Kim bu salawaty anna agşamy ýatmazyndan öň 70 (ýetmiş) gezek okasa, düýşünde Pygamber aleýhis salamy görer» – diýipdir.
Bu tejribeden geçendir.
«Alla:ahumme salli alä: ru:hi seýýidinä: Muhammedin fil erwä:h. Alla:humme salli alä: jesedi seýýidinä: Muhammedin fil ejsä:d. Alla:humme salli alä: kabri seýýidinä: Muhammedin fil kubu:r. Alla:humme eblig ru:ha seýýidinä: Muhammedin minni: tähiýýeten salä:ten we selä:mä:».
7. Pygamber aleýhis salam: «Kimde-kim: «Meniň malym köpelsin» – diýse, şu salawaty okamasyna dowam etsin» – diýip buýurdy.
«Alla:humme salli аlä: Muhammedin abdike we rasu:like we alel mu'mini:ne wel mu'minä:t wel muslimime wel muslimä:t».
8. «Şewahidun Nubuwwe» atly kitapda şu hadys gelipdir: Pygamber aleýhis salam: «Kimde-kim düşegine girmezden öň, «Tebärek» süresini okap, yzyndan hem şu salawaty okasa, Hudaý Tagala iki sany perişdäni Meniň ýanyma ugradar we ol kişiniň bu amalyny Maňa görkezerler. Men hem оňа Allahdan rahmet dilärin» – diýipdir.
«Alla:humme Rabbel hylli welhara:m. We Rabbel beledil hara:m. We Rabbel meş-aril hara:m. Bikülli ä:ýetin enzeltehä: fi: şehri Ramaza:n. Bellig ru:ha seýýidinä: Muhammedin minni: tahiýýeten we selä:men».
9. Pygamber aleýhis salam: «Jennetde bir agaç bardyr. Ady mahbubedir. Miwesi şu şekildedir: nardan kiçi, almadan uly, süýtden ak, baldan süýji, gaýmakdan ýumşakdyr. О miweden diňe şu salawaty okanlar iýer» – diýipdir:
«Alla:humme salli alä: seýýidinä: Muhammedin we alä: ä:li seýýidinä: Muhammedin wesellim»
10. Hezreti Omar razyýallahu anhudan şeýle rowaýat edilipdir: Bir gün Pygamberimiz sallallahu aleýhi wesellemiňň huzuryna düýe ogurlygy meselesi boýunça iki kişini getirdiler. Bularyň ikisi hem biri-birinden şikaýatçydylar. Şol wagt ogurlanan düýe dile gelip, hakyky eýesiniň kimligini aýtdy. Şonda Pygamber aleýhis salam düýäniň hakyky eýesine bakyp:
– Sen näme okadyň? Medinäniň halky üýşdiler, asmandan perişdeler geldiler we düye dillendi – diýende, ol kişi şu ssalawaty okandygyny mälim etdi. Pygamber aleýhis salam şu salawaty okanyň ertir kyýamat gününde ýüzüniň on dördi gijäniň aýy ýaly parlak boljakdygyny buşlady.
«Alla:humme salli we sellim alen nebiýýi Muhammedin hattä: lä: ýebka: min salä:tike şeý-un we bä:rik alen nebiýýi Muhammedin hatta: lä: ýebka: min berakä:tike şeý-un, werhamin nebiýýe Muhammeden hatta: lä: ýebka: min rahmetike şeý-un».
11. Hezreti Aly kerremallahu wejhehu aýtdy: «Kimde-kim günde on gezek, ýa-da juma güni ýüz gezek şu salawaty okasa, kyýamat güni Pygamber aleýhis salam onuň elinden tutar».
«Salawä:tulla:lü we melä:iketihi: we enbiýä:ihi: we rusulihi: we jemi:y halkyhi: alä: seýýidinä: Muhammed we alä: ä:lihi: we aleýhis selä:mu we rahmetulla:hi we beraka:tuh».
12. Hezreti ibni Abbasyň rowaýatyna görä, kimde-kim söýgüli Pygamberimize şu salawaty aýtsa, ýetmiş perişde oňa şol salawatyň sogabyny ýazar:
«Sallalla:hu ala: seýýidinä: Muhammedin we jezä:hu annä: mä: huwe ehluh».
13. «Ezhar» atly kitapda şeýle gelipdir: Kimde-kim şu şekilde Pygamber aleýhis salama salawat aýtsa, ol kişiniň bütin ummatyň hakyny ödedigi bolar hem-de kyýamat gününde Allahu Tagala ol kişiniň derejesini beýgelder:
«Alla:humme salli alä: seýýidinä: Muhammedin we ä:lihi we sellim we ejzihi: annä: haýrel jezä:».
14. Hezreti ibni Abbasdan rowaýat edilişine görä, kimde-kim Pygamber aleýhis salama şu salawaty getirse, kyýamat güni Pygamber aleýhis salam ol kişini we ene-atasyny şepagat eder:
«Alla:humme salli аlä: seýýidinä: Muhammedin we tekabbel şefä:atehul kubra: werfag derejetehul ulýä: we ä:tihi: su'lehu: fil ä:hyrati wel u:la: kema: äteýte Ibra:hi:me we Mu:sä:».
15. Hezreti Hasan Basrydan rowaýatdyr: Kimde-kim kyýamat güni Pygamber aleýhis salamyň howzy-köwserinden içmek islese, şu salawaty okasyn:
«Alla:humme salli alä: seýýidinä: Muhammedin we alä: ä:lihi: we esha:bihi: we ewlä:dihi: we ezwä:jihi: we zürriýýä:tihi: we ähli beýtihi: we asha:rihi: we eşýä:ihi: we muhibbi:hi we ummetihi: we aleýnä: meahum».
16. «Şifaus sekam» atly kitapda şeýle rowaýat gelipdir: Sinani Isfihani şeýle diýýär: Günlerde bir gün düşümde Pygamber aleýhis salamy gördüm we iki jahanyň Soltanyndan soradym:
– Ey, Resulallah! Doganoglan agam Idris Şafygynyň ýagdaýy nähilidir? Pygamber aleýhis salam aýtdy:
– Men seniň ol agany Hudaý Tagaladan diläp aldym.
Men onuň bu sylaga nähili mynasyp bolandygyny soradym. Pygamber aleýhis salam aýtdy:
– O diri wagtynda maňa şu salawaty aýdardy: «Alla:humme salli alä: seýýidinä: Muhammedin kullemä: zekerehuz zä:kiru:ne we gafele an zikrihil ga:filu:n».
17. Ebul Abbas el-Hazrami rahmetullahi aleýhi aýtdy: Bu salawaty 5 gezek okamaklyk-jähennemiň pidýesidir (tölegidir):
«Alla:humme salli we sellim alä: seýýidinä: Muhammedin we alä: ä:li seýýidinä: Muhammed mä: utbiatil uýu:nu binnazari we tezehrefetil arzu bil matari we ha:jje ha:jjin wagtemera we lebbä: we halaka we nehera we ta:fe bil beýtil a:tiky we kabbelel hajera».
18. Jerir ibni Abdullah razyýallahu anhudan, Pygamber aleýhis salam aýtdy: «Kimde-kim bu salawaty ertir bilen ýa-da agşamlyk okasa, munuň sogabyny müň ertir ýazyp gutaryp bolmaz». Ýazyjy perişdeleri ýadadar hem-de o kişi Pygamberimiz Muhammet aleýhis salama ymmatlyk hakyny ödedigi bolar. Ýene-de Alla Tagala ol kişiniň ata-enesini magfiret eder:
«Alla:humme ýä: Rabbi Muhammed we ä:li Muhammed ijzi Muhammed mä: huwe ähluh».

HORMATLY OKYJYLAR!

Pygamberimiz Muhammet aleýhis salama aýdylýan müňlerçe salawat bardyr. Ýöne biz bu kitapçamyza käbirlerini ýazdyk. Inşä Allah, Alla Tagala ajala sabyr berse, ilerde bu kitabyň dowamy boljakdyr. Sizden haýyşymyz bizi dogaňyzda unutmasyzlygyňyzdyr.

SOŇY.