Главная » 2022 » Oktýabr » 27 » Bagtyň bahasy
10:00

Bagtyň bahasy

BAGTYŇ BAHASY

Siz ýaşap ýören bagtly durmuşyňyzyň gadyr-gymmaty hakda pikir edip gördüňizmi?

Ýatara-turara jaýyň, demiňi-dynjyňy alara öýüň, ojagyňda gaýnap duran naharly gazanyň, öýüňde ýorgan-düşegiň, egniňde birlaý egin-eşigiň bar bolsa, onda sen baýsyň.

Kisäňde geregiňi alara puluň, sandygyňda günüňi aýlara gazanjyň bar bolsa we şonuň ujundan hem gyssagly günüň üçin az-owlak süýşürip bilýän bolsaň, onda sen baýlaryň birisiň.

Bu gün irden sag-aman ören bolsaňyz, siz uly nygmata eýesiňiz.

Öý-iliňiz abadan, ýurduňyz asuda bolsa, uruş tüssesi gözüňizi awatmadyk, pitne gowgasy ýüregiňizi ajatmadyk bolsa, garaňky zyndanlarda tenhalyk tagamyny datmadyk bolsaňyz, onda siz bagtlysyňyz.

Mekdeplerde ine-gana bilim alýan bolsaňyz, metjitlerde arkaýyn namaz okaýan bolsaňyz, ýolda-yzda her kesden arkaýyn gezýän bolsaňyz, nähak daralma gorkusy ýok bolsa, onda siz bagtlysyňyz.

Ene-atalaryňyz, çagalaryňyz, maşgalaňyz bilen bir ojakdan agzybir örýän bolsaňyz, onda siz Biribaryň ýalkan bendeleriniň birisiňiz.

Ýürekden ýylgyryp bilýän bolsaňyz, nygmata şükür edýän bolsaňyz, diýmek, siz tapylgysyz nygmatyň başynda otyrsyňyz. Dünýäde millionlarça adam, bu ýagdaýy islese-de, başaryp bilýän däldir.

Siz ýene-de köp zatlar hakda oýlanyp, näderejede uly bagtlydygyňyza göz ýetirip bilersiňiz.

Eger şu ýazgylary okan we oňa düşünen bolsaňyz, onda siz «okamak we düşünmek» diýen iki sany uly nygmata eýesiňiz. Eger siz şu ýazgylary okan bolsaňyz, onda dünýädäki okap-ýazyp bilmeýän adamlardan bagtlydygyňyzy ýadyňyzdan çykarmaň!

Çeşme: Rahmet Gylyjow, «Halallyk kyssalary»

Çeşmesi: https://www.ylymly.com/2022/07/03/bagtyn-bahasy/. 27.10.2022ý.
Категория: Oýlanmalar | Просмотров: 256 | Добавил: Bagabat | Теги: Rahmet Gylyjow | Рейтинг: 5.0/2
Awtoryň başga makalalary

Oýlanmalar bölümiň başga makalalary


Teswirleriň ählisi: 6
0
1 Aydogdy  
1407
"Bu gun irden sag aman ören bolsañyz, siz uly nygmata eýesiñiz "Kiçiräk wagtymyz kakamy oýde seýrek görerdik (işe ir gidip, giç gelensoñ) ýöne arasynda irden biz b.n ertirlik edinerdi,okuvlarmyz hakda sorap, herimize tabşyryk bererdi, şonda kiçi jigilerim: - Kaka doglan günimezem geçip gitd-ä, gutlamadyñam-diýşerdiler. Kakamam her gun irden janyñ sag ukydan oýansañ iñ uly bagt, saglykda ören her güniñem, täze doglan güniñdir, ana gutladym - diýip, jigilerme seredip ýylgyrardy, olar muña düşinmeselerem begenerdiler. Bu gutlag hemmämize degişlidi. Arzuw, isleg edeñde-de awtoryñ aydanlaryndan govsyny diläp bolmazdy.

0
2 Atsyzatly  
1393
Awtoryň pikiriçe bagtlylyk bu başga birinden tapawytlylykmy?! Öýüň bar bolsa öýsüzlerden, türmede däl bolsaň türmedäkilerden, ýazyp-pozup bilýän bolsaň, ýazyp-pozup bilmeýänlerden bagtly sen. Haçana çenli öýsüzleriň arasynda öýlülik, türmäniň ýanynda türmede dällik we bilimsizleriň arasynda bilimlilik bilen tapawutlanyp özüňi bagtly saýyp gezjek?! Haçana çenli kişiniň bagtsyzlygyndan bagt arajak?! Bagtlylyk bu hemme kişi bagtly bolup, bir diňe sen bagtsyz bolaňda-da iliň bagtyna guwanyp, şatlanyp, bagtlanyp bilmekdir. Deňeşdirmede egoizmiň ysy bark urýar. Ýöne bu klassika.

0
3 Sergezzan  
707
Ömrüň soňy betbagytlyga tarap akýar. Wagtlaýyn bagt kimi bagtly eder? Bagt däl'de, duýgusuz yaşamak adam ücin has peydaly

0
4 Sergezzan  
707
Başgalaryň betbagytlygny görüp, öz halyna şükür eden adamlar iň egoist, iň yigrenji adamlardyr. - F.Dostoyewiski

0
5 Aydogdy  
1407
Bagtlylyk bu başga birinden tapavutlylykdA däl. Bir ýaşulyny tanaýan. Şäherde köviş ussahanasy bar, özi maýyplar arabasynda otyrýa, ýöne hemişe irden ussahanasyny açyar, haçan barsañ ýerinde köviş abatlap otyrandyr. "Döwletden kömek pul alýan şo maña bolýa"- diyip otyranok hemişe işinde ýanynyñam adamsyz vagty ýok. Ýene daýym bardy (häzir aýryldy) iki gözem görenokdy. Ýöne biz kiçi wagtymyz mamamlara baramyzda daýymyñ gözi görmeýanine ynanyp bilmezdik, sebabi daýym daşarda arkaýyn özi gezerdi, hojalyk işlerine kömek ederdi tovyklara iým bermek yaly goñsylara-da gidip gelerdi, körler u.n niýetlenen kitaplary okardy özem sesiñi eşitdigiñ tanardy, hiç vagt hiç kimi sesinden çalşyrmazdy, mylaýym govy adamdy. Onsañ bizem kiçiräk bolamyzsoñ daýymyñ gözi çalarak bolsa-da görýändir diýip oylardyk. Bu hakda ejemden sorap govja temmimizem alypdyk. Ýone daýymyñ gözi dogabitdi däl-de, soñ bolan eken.

0
6 Aydogdy  
1407
Ýa-da özimden uly agam, aýagynda kemisligi bolany u.n Ikinji topar maýp. Maşgalasy, çagalary, şäherde govy jaýy bar, özem häzir daşary ýurtlañ birinde işleýar. Indiki niýeti, arzuwy, ikinji gezek haç saparyna zyýarat etmek (Alla niýetine ýetirsin) çagalarny daşary ýurtlarda okytmak.Her gepleşenimde agamdaky sagdyn pikirleri, ruhybelentligi, şukranalygy görip, özimiñ sähel işlerim şovyna bolmasa arasynda sussypeslige düşip, gynanyp ýorşime utanýan. Men bagty şeýle adamlañ synmaz erkinde, açyk kalbynda, ýaşaýşa bolan höqesinde görýan. Ýokarky teswiri ýazyp otyrkam şulary hem ýazmakçy bolyp, kellämde goýyp durdym-da, gyssagly işim çykyp, teswirim çala ve bulaşyk galdy. Adamlardaky daşky aýratynlyklar b.n olara seredip, özimi olardan bagtly, artykmaç adam hasaplap däl, bolup bilsem şolaryñ ýaryça bardyryn ýa ýokdyryn diýip oýlaýan.

Teswiri diňe saýta agza bolan ulanjylar goşup bilýär.
[ Agza bol | Saýta gir ]