"ChatGPT"-ni dörediji: Emeli añ kyýamaty ähtimallygy elli göterim

"ChatGPT"-ni DÖREDIJI: EMELI AÑ KYÝAMATY ÄHTIMALLY ELLI GÖTERIM

Ekranda "OpenAI"-iñ kämilleşdiren, gürrüñleşip bolýan "ChatGPT" emeli añ programmasynyñ logotipi. (Reuters)

"ChatGPT"-ni döredijilerden biri emeli añ tehnologiýasynyñ ýykgynçylykly derejede netijelere getirme mümkinçiligi boýunça duýurýan we barha artýan ylmy-barlagçylaryñ hataryna goşuldy.
Häzir emeli añ boýunça ylmy-barlaglary geçirýän we girdeji edinmegi maksat edinmeýän "Alignment" ylmy-barlaglar merkezine ýolbaşçylyk edýän, "OpenAI"-niñ öñki işgäri Paul Kristiano bu tehnologiýanyñ adamzadyñ ýok bolmagyna getirme ähtimallygynyñ güýçlüdigine ynanýandygyny aýtdy.
Kristianonyñ öñe sürmegine görä, asyl howp emeli añ ulgamlary adamlaryñ kognitiw derejesine ýetip, ondan geçende ýüze çykar. Doktor Kristiano şol pursat gelende "kyýamat ähtimallygyñ ellä elli göterim" boljakdygyny çaklaýar.
"Bankless" atly podkastda çykyş eden Kristiano "Diýseñ uly mesele bolan emeli añ ulgamlaryndan üýtgeşmäniñ belli bir derejese çaltlaşýan sepgide belentli-pesli bir ýyllyk möhletde geçiljekdigini pikir edýärin. Munuñ yzyndan çaltlanma hasam artar we şeýleligine dowam eder" diýdi.
"Meniñ pikirimçe şeýle nukdaýnazara eýe bolanymyzda köp zat emeli añ problemasy ýaly görünip biler, çünki bularyñ barsy emeli añy döredenden soñ kän wagt geçmänkä ýüze çykýar".

"OpenAI"-iñ öñki ylmy-barlagçysy Paul Kristiano häzir "Alignment" ylmy-barlag merkezini dolandyrýar / YouTube)​​​​​​​

Kristiano "Emeli añyñ birdenkä öñe çykyp, uçdantutma hemmeleri öldürmesinden has beter, hemme ýere köp sanly emeli añ oturtmagymyz netijesinde ölmegimiz has ähtimal... Hudaý saklasyn, eger haýsydyr bir sebäp bilen ähli emeli añ ulgamlary bizi öldürmäge synanyşsa, muny hökman ederler" diýip, sözüniñ yzyny ýetirdi.
Şular ýaly düşündirişler soñky aýlarda emeli añyñ çaltlyk bilen ösmeginden duýulýan howatyrlaryñ artýan döwründe berildi. Emeli añyñ "çokundyryjy atasy" diýilýän Geoffreý Hinton tehnologiýanyñ howplaryny jemgyýete duýdurmak üçin Google-den aýryldy.
"The New York Times" interwýu beren Hinton häzir ýüzbe-ýüz bolnan bu öñünden çaklap bolmajak geljek sebäpli bu ugruñ ösmegine goşant goşandygy üçin ökünýändigini aýtdy.
Hinton "Bu zadyñ adamlardan has akylly bolup biljekdigi pikirine birküç adam ynansa-da, köp adam munuñ şeýle boljagyna ynanyp baranokdy. Menem şeýle pikirdedim. Munuñ 30-50 ýyldan ýa-da ondanam kõp wagtdan soñ boljakdygyny pikir edýärdim. Elbetde, edil häzir beýle pikir edemok" diýdi.
"Gözegçilik edip bilmejekdiklerine göz ýetirýänçäler muny aşa çişirmegiñ geregi ýok hasap edýärin".
Beýleki barlagçylar Hintonyñ bu pozisiýasyny makullanam bolsa, "AnthropicAI"-den Katerina Ollson beýtmegiñ bu ugurdaky beýleki barlagçylaryñam pikirlerini aýtmaga iterjekdigini aýtdy. Olsson internet hasabynda "Uniwersitetde okap ýörkäm bir tanşym henizem etden el çekmändigimi soran wagtynda et iýmekden ymykly el çekipdim. Etiki gymmatlyklarymyzyñ üstündäki jemgyýetçilik pikirleri örän täsirli bolup bilýär" diýip ýazdy.
"Ýygy-ýygydan "Anthropic"-i haçan taşlajagymy ýa-da emeli añy doly terk etjegimi pikir edýärin. Başgalary-da şeýtmäge çagyrýaryn. Şeýle hereketiñ maña ýiti täsir etjekdigini häzirden aýdyp biljek".
Beýleki öñdebaryjy adamlaram emeli añ öndürýän firmalary ösen sistemalaryñ ösdürilmegi ugrunda alyp barýan işlerine arakesme bermäge çagyran bolsa, soñky gezek müñlerçe hünärmeniñ gol çeken açyk hatynda emeli añyñ ösdürilmegine iñ bolmanda alty aý togtadylmadyk ýagdaýynda hökümetleriñ ara girmegine çagyryş edilipdi.
Hata gol çekenleriñ arasynda emeli añyñ döredýän ekzistensial howpy hakda ýygy-ýygydan agzaýan Ilon Mask hem bardy. "OpenAI"-niñ esaslandyryjylaryndan bolan tehnologiýa milliarderi duşenbe güni internet hasabynda "Maşynlaryñ nähili işleýändigini ýatdan çykarjak derejede öte geçilse, emeli aña-awtomasiýa ýagşy niýetli garaşlylygyñ özi hem adamzat siwilizasiýasy üçin howpludyr" diýip ýazdy.

Antoni KATBERTSON.
@ADCuthbertson

Çarşenbe, 03.05.2023 ý.