10:55 Gar | |
GAR
Akrabyň bir güni çytylyp asman, Syrgynly gar ýagdy yzyny kesmän. Jaýlaň depesine baglaň üstüne, Haýatlaň gerşine,daglaň üstüne. Gelşine özüniň labyryn atan, Pes ýeri düýäniň dyzyna ýeten. Görmändim ömrümde beýle ygaly, Ençe gün bolsa-da garyň ýagaly. Haýsy tarapyňa baksaň ne zaman, Örküç-örküç bolup şindem mizemän, Ýatyr ynha gelen ýaly ömürlik, Ýagdyryp kyrk tüýsli ýakymsyz gylyk. Meňzäp ylla ary köýen gandara, Gazap bilen garap ähli jandara, Ahmyrly ýatyşy bolsa-da çyny, Çar tarapa aýlap ýiti gyljyny, Her näçe ýatsa-da çüýjerdip gözün, Ol bu gün söýgüli baharyň ýüzün, Gördü-de birhili gowşady saly, Teýinde labyrdap ot ýanýan ýaly. Sähelçe salymda ol pagyş-para, Siňip gitdi ýere, dönüp yzgara. Hany indi aýaz, hany indi gar, Sen haçan erärsiň şeýdip näzli ýar? Aman ANNAMYRADOW. | |
|
√ Atsyz goşgy / Goşgular - 31.01.2024 |
√ Dostluk hakda / Goşgular - 18.02.2024 |
√ Mürze ýigit / Goşgular - 12.03.2024 |
√ Ynanarmykan? / Goşgular - 30.01.2024 |
√ Gije hem gündiz / Goşgular - 07.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Was-wasylara... / Goşgular - 23.01.2024 |
√ Tazy / Goşgular - 30.01.2024 |
√ Garyp köñlümiñ soltany / Goşgular - 21.02.2024 |
√ Ýagyş damjasy / Goşgular - 24.03.2024 |
Teswirleriň ählisi: 0 | |