Merediñ mekdebe gidişi

MEREDIÑ MEKDEBE GIDIŞI

Mekdepde iýmek üçin
Dürli-dümen zat aldy:
Nar,
Alma,
Kişmiş,
Halwa,
Kemput,
Şokolad aldy.
Aldy etli somsadyr
Iki kesim kalbasa.
Içmäge-de bir zatjyk
Bolmaz ahyr almasa:
Üç çüýşe "Pepsi-Kola"
Alansoň düşdi ýola.

Başladylar sapaga
Eşdäge-de jaň sesin.
Meret burç deý gyzaryp,
Gaşaberdi ýeňsesin.

Gyzarmasyn neneň ol,
Bolan işe bir seret:
Undup gaýdypdyr eken
Kitap-depderin Meret!