Minnetdar!

MINNETDAR!

Durmuş men saňa minnetdar. Maňa kän zat öwretdiň. Entäk mekdebe barmadyk çagajykkam maňa seni rehimsiz diýipdi atam. Men oňa ynanasym gelmändi. Şuwagtam ynanamok. Belki sen meni aýansyň. Şondan şeýle netijä gelen bolmagymam ahmal. Hernäçe aýasaňam men senden kän zat öwrendim.
Sen maňa hemme zadyň wagtlaýynlygyny öwretdiň. Diňe ejem bilen kakamyň meni çyn ýürekden söýýändigini öwretdiň. Sen algebra ýa himiýa ýaly çylşyrymly bolmasaňam şolarça bar megerem. Öwrümleriň edebiýatdan okan eserlerimdäki ýaly hemişe gowluga ýazmasa-da her gezek bir zady sapak edindim. Mekdebe gatnap ýa ýokary okuw mekdebinde okap kitaplardan tapmadyk soraglarymyň jogabyny tapdym men senden. Çyndanam sen maňa dost bolmaly. Sebäbi ýagşyny ýamany kemçiliklerimi hemişe ýüzüme diýdiň.
Gurbannazar şahyryň Durmuş goşgusyndaky ýaly seni idäp hiç ýerik gitmedim ýa töweregime soragly bakmadym. Ejem maňa durmuş mekdebinden bahaňy hemişe ýokary aljak bol sebäbi şol alan bahalaryň seniň ertiriň kepilnamasy diýerdi.
Belki ejem maňa durmuşy öwretdi. Garaz maňa kyn bolmady. Garyňy depeläp ýagşyňa ezilmegi bagt bildim hemişe. Seni hemmeler rehimsiz diýse-de senden närazy bolýan bolsalaram men barybir saňa minnetdar. Sen maňa kän zat öwretdiň. Sag bol durmuş!

Şanazar Muhammedow
Türkmen oba hojalyk institutynyň talyby