Wagt salgym ýaly bir zat. Birde bar ýaly bir seretseňem senden näçe-näçe ädim öňe düşüp ylgap barýandyr. Günlerem wagtyň yzyndan ylgaýan ýaly dowamly hem şeýlebir tiz geçýär welin ynsan kalby ynjalygyny ýitirenini duýman galýar. Şol ikiarada ömrüň hasaby netijesinem ýöretmek köplere başartmaýar. Kalbym,gijeler ümsüm hem tümlügi bilen gözleriňi uka büräp barýanam bolsa ýadaw serimiz ýassygy guçmazdan ozal şu günüň netijesini jemlemegi endik öwürmek gerek. Käte gün içinde ylgawyň batlyrak bolanyny bahanalap ençe güni hasapsyz geçirsegem aý-ýyllaryň hasaby welin sypmasa gowy. "Bir ýerde durmak ýok, ýa öňe gitmeli ýa yza"diýilýär. Öz duran nokadyňa göz ýetirmek üçinem günleriň hasabyny çykarmak möhüm. Beýik maksatlary niýetlän geljekden uly üstünlikleriň umydyny beslän bolsaňyz gijelerden ömür hasabyna wagt aýryň. Şol ýeňişli güne näçe ädim galanyny hasap edere. "Hasap däl nesip" diýilse-de hasabam ýitirmedigimiz gowy. "Hasaply dost uzak gider " diýen nakylam birmanyly däl ahbetin.
Aýjahan Kurbanowa Döwletmämmet Azady adyndaky Türkmen milli dünýä dilleri institutynyň talyby
Bujagaz degşirme makalajykda öwrenere zat bar. Wagtyk akymy mizemez ugry bilen akyp baryberyar. Onuň duralgalary Era, Asyr, Müçe, Ýyl, Aý, Hepde, Gün, Sagat bilen ölçelýär.
Awtoryň aýdýan netijeleri bolsa adamyň özüne dahylly we bagly netije. Gün içindäki hereketleriň we tagallalaryňdan çykarýan metijeleriň magsat~myradyň depgininiň ugurlydygyny aňlatsa göwnüň ynjalýar, Emma, durnuklylygy aňlatsa bioňaý gyjynma duýgusyny oýarýar. Her niçik~de bolsa, şu pursatda kanagatlanma duýgusy teselli berýar.
Arzuw etmek gowy zatdyr öýdýädim hemişe. Arzuw etmegi bizde hemişe daşky gurşaw hem gollap durýar. Kinolarda, edebiýatda, multfilimlerde, garaz arzuw etmegi bize hiç kim gadagan edenok, gaýtam oň tersine, diňe maslahat berýärler. Hakykatda welin arzuw diýen zat adam üçin zyýanly, boş arzuwlary şeýtan etdirýär diýýär Kuranyň Baş redaktory. Gowja pikirlenseň Baş redaktor bilen ylalaşsa bolýar. Her bir adam öz öňünde beýik maksatlary goýýar, makalaň awtornyň aýdyşy ýaly hasap geçýär, netije çykarýar. Ýöne ykballary biz ýazamzok, biz derýa gaçan bir bölek çöp ýaly, diňe akymyň ugry bilen ýüzüp bilýäs. Eger hakyka ýagdaý biziň arzuwlarymyz bilen gabat gelmese, bizde tutuş älem-jahana ýigrenç döreýär.
Teswiri diňe saýta agza bolan ulanjylar goşup bilýär. [ Agza bol | Saýta gir ]
0
