Ömür kitaby

ÖMÜR KITABY

Sahypalary ak gara gülgüne reňkler bilen bezelen ömür kitabymy agtaryp kalbymyň kä gussa kä şatlyga bürenişi adaty däl duýgulary bilen tolgundyrýar meni. Şol sahypalary agdardykça yza seretmekden many ýokdugyna düşünýän. Ne gamlaryň ýerini şatlyga dolduryp bilýäň ne-de bagtly günleriň tagamyny duýup bilýäň ynsan. Ejizligiňi boýun almakdan başga zada haýry ýok yza seretmegiň.
Ýöne senli sahypalary men hijem ýapmaryn. Olaryň ählisi gülgüne reňkli owadan ýatlamalary bilen kalbymyň töründen ýer alan. Käşge elimden gelse olaryň dowamyny ýene ýazardym. Nokatsyz galan sözlemleri jemlemezden uzak uzak ýatlamalary goşardym üstüne. Melek kimin tämiz kalbyň maňa bolan kir-kimirsiz duýgularyň hakynda ol duýgulary duýmagyň ýakymy hakynda durman ýazardym. Sözlem gutarsa nokat dowamy bolsa köp nokat goýulýa aslynda. A sen olaryň hiç birinem goýmazdan janymy owal ahyr awara etdiň gitdiň. Sorag goýasym gelýä käte şol senli jemlemäme. Olam manysyz gelýä-de şol näbelli hem ünjüli halynda dur jemlemämiz...
Şonda-da men senli sahypalara zol dolanýan. Olara bakyp ejizligimi boýnuma goýýan duýgulara ýeňilip oturýan. Belki ömür sahypalaryma asla göz gezdirmejegiňi bilsem-de saňa uzaklardan seslenesim gelýär"Bir gün gelip ähli sözlemlerimiň başyny jemläp meni ünjülerimden halas edermiň. Ýa-da kiçijik nokadyň bilen asuda deňiz misli dünýämi tupana gararsyňmy. Meni gussalara ýesir goýup gidersiňmi. Bagtly ýa-da bagtsyz galjagymyň ähmiýeti ýok seni ýeke gezek görsem bolýa , sen gelersiňmi?"

Hydyr Abamow
Türkmen oba hojalyk institutynyň talyby