00:13 Geldim | |
GELDIM
Şatlyga, gynanja ýugrulan durmuş, Menem öz ornumy tutmaga geldim. Gamlanyp-şatlanyp, ýitirip-tapyp, Bir maksatly ýoldan gitmäge geldim. Kimseler aldajak, kimseler utjak, Kimseler kyn günde goluñdan tutjak, Etsemiñ bar bolsa, nobat-a ýetjek, Nobatlar içinde ýitmäge geldim. Bolmady dilimse gybat-ýalanym, Gören ýokdur ýaranjaklap gülenim, Alyp däl-de, berip elden gelenim, Utsam, jomartlykda utmaga geldim. Görnersiñ daragt dek galsañ belende, Ýöne beýle arzuw bolmandy mende, Göze ilmese-de ýeriñ göwsünde, Kökler kimin çuña ýetmäge geldim. Ýaşadym yhlasly, sözlemän batly, Kine saklamadym ýüregim otly, Näçe ýaşasam-da, bir ýagşy atly Ömür menzilinden ötmäge geldim. Şygryýete duçar etdiñ, eý, ykbal, Ne şatlyk, ne jebir - bir täsin ahwal, Il yrsgaly hakda öwürip hyýal, Pikir derýasyna batmaga geldim. Annagylyç ESENOW. | |
|
√ Estagfurullaly bentler / Goşgular - 14.02.2024 |
√ Ýolbars we Möjek / basnýa / Goşgular - 05.01.2024 |
√ Ýagyş damjasy / Goşgular - 24.03.2024 |
√ Bolsa eder / Goşgular - 21.05.2024 |
√ Dünýe... / Goşgular - 11.02.2024 |
√ Salam, Türkmenistan! / Goşgular - 01.01.2024 |
√ Ýasama gül / Goşgular - 15.05.2024 |
√ Was-wasylara... / Goşgular - 23.01.2024 |
√ Sumbaryñ kenarynda / Goşgular - 01.01.2024 |
√ "Garrap ýörünmi ýa men..." / Goşgular - 01.01.2024 |
Teswirleriň ählisi: 0 | |