Nepes sen sözleseñ ulus illerde, Bilbil şeýda bolar täze güllerde. Asal ezgil dahan içre dillerde, Ary hüjüm eýlär bal sesin añsa.
Şu setirleriñ awtory Mollanepes hem bir wagtlar oglan okadypdyr, emma ol döwürde okuw-ylym hemme kişä ýetdirmändir. Bu meselede aýratyn-da aýal-gyzlar kemsidilipdir. "Aýal okap kazy bolmaz, köpek ýüwrüp tazy" diýilýärdi. Şol wagt aýal-gyzlaryñ başy açyk görülse, uly masgaraçylyk hasaplanardy. Zamana üýtgedi. Indi ulus iller okuwa-ylma edil bala ary çozan ýaly çozýar. Mollanepesiñ asala-bala barabar sözlerini uly il okaýar. Şu suratdaky Güljan Sopyýewa Ýylanly raýonynyñ 1-nji onbirýyllyk mekdebiniñ 11-nji klasynda okaýar. Ol esasy sapaklarynyñ daşyndan çeper eserleri, esasanam Mollenepesiñ eserlerini okamagy söýýär.
Göwnüme bolmasa şol döwrüñ adamlarynyñ keşpleri başgaça. Görmegeými, nuranamy, mähirlimi bilemok. Görseñ gözüñ dokunýar diýilýäni. Ol gözelligiñ kalbyñ arassalygyndan gaýdýan bolmagy hem mümkin diýsem, biri çykyp "Näme bu döwrüñ adamlarynyñ kalby hapa bolýa-da onda" diýäýjek ýaly bolup dur. Yöne aslynda beýle diýmekçem däldim. Häzirem halal, kalby päk ynsanlar köpdür. Emma häzirki döwrüñ umumy kalby päkligi bilen o döwrüñ kalby päkligini ölçeseñ hil derejesi başgaçadyr.
Göwnüňe däldir. Ol hakykatdanam şeýle. Men şol döwüririň adamlaryny gördüm, gepleşdim, men özümi geçiş döwrüniň adamsy disemem bolýar ,ýöne häzir meni geçmiş döwrüniň adamsy hasap edýärler:-). Ýöne köne suratlara seredip görüň, dokumental filmlere seredip görüň, adamlaryň şatlygynda-da, gülküsinde-de, bagtly keşbinde-de ýasamalyk görmersiňiz.
0
