19:12 Seniñ heý şäheriñ bombalandymy? | |
|
SENIÑ HEÝ ŞÄHERIÑ BOMBALANDYMY?
Publisistika
 Sen, heý, gyzgyn gülleleriñ aşagynda öýüñizi nazarlap ejeñe tarap gaçyp gördüñmi? Aýagyñ aşagyna seretmän gaçan köçeleriñde, öwrümleriñde, geçelgeleriñde ýanyndan geçip barýan jaýyñ üstüne düşen bombanyñ partlamagynyñ yzyndan daş-töwerege ýaýylan ahy-nalalar seniñ ylgawyñy öýüñize sary hasam çaltlandyrdymy? Ylgap geleniñizde öýüñizi öz ýerinde abat, ejeñizi-de sag-salamat göreniñizde başga öýleriñ harap bolandygyny we başga eneleriñ ölendigini undup, ýekemenlik bilen begenipmidiñ heý? Soñra bu şahsy begenjiñ ömürboýy ýatlanyñda garaldypmydy ganyñy?.. Emma bular şäheriñ birinji gezek bombalananda bolupdy... Sen heý şäheriñ soñ-soñlar telim gezek bombalananda, diwanda aýagyñy uzadyp, telewizorda berilýän manysyz kinofilme seretmäge dowam edipmidiñ? Öýüñ üstünden uçýan top oklarynyñ, raketalaryñ tanyş simfoniýasyny biperwaýlyk bilen diñläp görüpmidiñ? Üfleme we çalma saz gurallaryndan ybarat orkestriñ ýerine ýetirýän simfoniýasy. Ilki oklaryñ şuwwuldysy, yzyndanam aýylganç partlama... Soñundanam bu heñgamanyñ solo owazy...  Sen her gün goñşy aýallarynyñ horunyñ aranžirowkasynda mollanyñ solo okaýşyny diñlemekden bez bolmadyñmy heý? Sen, heý, dogduk şäheriñ boşadygysaýy gonamçylyklaryñ çaltlyk bilen dolandygyny duýduñmy? Her gün top okuna tutulan şäherleriñ gonamçylyklarynda bir günde nägadar öliniñ doglandygyny pikir edip gördüñmi heý? Bombalanan şäherleriñ soñy boş köçeleriniñ gonamçylykdan doludygyny bilýärsiñmi? Bileñogam, göreñogam. Ne ajap. Mundan soñam hiç wagt görmeli-bilmeli etmesin. Ömrüñ galan böleginde baýramçylyk günleri duýman durkañ atylýan salýutlaryñ, pistonlaryñ sesine señrik ýygryp gezmegiñi isleýärin... Garañky asmanda reñbe-reñ baýramçylyk şowhunynda seniñem gözüñe oklaryñ böleklän adam jesetleriniñ görünmegini islämok. Töweregiñde täze ýaşaýjylaryñ gelendigine begenip gygyryşjak adamlaryñ sesi yzanda-çuwan, aglaşýan şekilde dolsun. Islämok... Birem.. Birem şuny hemmeler bilsin ki, uruş gidýän ýerleri taşlap gaçyp gidýänler aslynda ölümden gaçanok. Gaýtam ölüme gaçýarlar. Iñ soñky alnymyzy direjek ýerimiz öljek ýerimiz ahweti... Ilgar RESUL, ýazyjy. "ADALAT" gazeti, 27.02.2024 ý. 
| |
|
| |
| Teswirleriň ählisi: 2 | |||
| |||
0
