Türki döwletleriñ baştutanlarynyñ geñeşi başlady

TÜRKI DÖWLETLERIÑ BAŞTUTANLARYNYÑ GEÑEŞI BAŞLADY

Ýygnanşyga gatnaşýan liderler üýşüp surata düşdüler

Türki Döwletler Guramasynyñ (TDG) baştutanlarynyñ 9-njy ýygnanşygy Özbegistanyñ taryhy Samarkant şäherinde geçirilýär.
Özbegistanyñ prezidenti Şöwket Mirziýoýewiñ guramaçylygynda "Türk medeniýeti üçin täze döwür: Bilelikdäki ösüşe we asudalyga tarap" ady bilen Samarkantda geçirilýän TDG-nyñ döwlet ýolbaşçylarynyñ 9-njy ýygnanşygynyñ öñüsyrasynda liderler surata düşmek üçin bir ýere üýşdüler.
Türkiýäniñ prezidenti Erdogan "Müdimi şäher" kongresler merkezine gelende Mirziýoýew tarapyndan garşylandy.
Kongresler merkezinde düşülen suratda Türkiýäniñ prezidenti Erdogan, Özbegistanyñ prezidenti Mirziýoýew, Azerbaýjanyñ prezidenti Ilham Aliýew, Gazagystanyñ prezidenti Kasymjomart Tokaýew, Gyrgyzystanyñ prezidenti Sadyk Japarow bilen synçy ýurtlardan Türkmenistanyñ Milli Geñeşiniñ Halk maslahatynyñ başlygy Gurbanguly Berdimuhamedow, Wengriýanyñ premýer-ministri Wiktor Orban bar.
Surata düşende Türkiýäniñ prezidenti Erdoganyñ sagynda Tokaýew, çepinde Mirziýoýew durdy. Liderleriñ hersi öz ýurtlarynyñ baýdagynyñ öñünde durup surata düşdi.

"Anadolu Ajansı" habarlar gullugy.

11.11.2022 ý.