Ýahýa Sinwaryñ wesýeti

ÝAHÝA SINWARYÑ WESÝETI

"Hamasyñ" Ysraýyl tarapyndan şehit edilen başlygy Ýahýa Sinwaryñ wesýeti köpçüligiñ dykgatyna ýetirildi. Wesýetde boýdan-başa onuñ durmuş ýoly we alyp baran göreşi hakda aýdýandygy belli boldy.
Han Ýunusyñ Zekat komissiýasynyñ başlygy doktor Jemil Ebu Bilal Ysraýylyñ eden hüjümleri netijesinde şehit bolan Ýahýa Sinwaryñ wesýetini köpçüligiñ dykgatyna ýetirdi. Wesýetiñ doly teksti şeýle:

* * *

Men ýat ilde mysapyrlyk çekmegi wagtlaýyn watana, arzuw-hyýalymy tükeniksiz göreşe öwren bosgun çagasy Ýahýa. Bu setirleri ýazanymda bir zat ýadyma düşýär: çagalygymyñ dar köçelerini, birnäçe ýyla çeken tussaglyk ýyllarymy we bu ýerlerde dökülen her bir damja gany pikir edýärin, göz öñüme getirýärin.
Men 1962-nji ýylda Palestinanyñ ýyrym-ýyrtyk edilen hakydalardan we syýasatçylaryñ tegelek stollarynda ýatdan çykarylan kartalardan ybarat döwürde Han Ýunusyñ bosgunlar lagerinde dünýä indim. Ömrümi ot-ýalnyñ we külleriñ arasynda geçirdim we okkupatorlaryñ golastynda ýaşamagyñ diñe yzygiderli türmeden tapawutly ýeriniñ ýokdugyny juda ir ýaşda añşyrdym. Çagalygymdan bäri bu ýerlerde durmuşyñ başga ýerlerdäki ýaly däldigini bilþärdim. Şu ýerde doglan ýüreginde synmaz ýarag götermeli we azatlyga barýan ýoluñ uzyndygyny añlamaly, bilmeli.

• Türmede geçen ýyllary

Wesýetim şundan başlaýar: okkupatorlara garşy ilkinji daşy aýlap zyñan çagadan öwrenşim ýaly çekýän derdi-yzalarymyza garşy sesini çykarmaýanlara garşy aýdan ilkinji sözlerimizdir. Gazäniñ köçelerinde adama ýaşan ýaşy bilen däl-de, watanynyñ ugrunda şirin janyny orta goýup bilşi we pidakärlikleri bilen baha berilýändigini öwrendim. Durmuşymam şeýdip geçdi: türmeler, söweşler, horluklar we umytdan doly ömür...
1988-nji ýylda ilkinji gezek türmä girdim we ömürlik azatlykdan mahrum edildim. Emma gorky-ürkiniñ nämedigini bilmelidirem öýtmedim. Şol garañky gözenekde, her beton diwarda alysdaky yşyga açylan penjire we her demir gözenekde azatlyga barýan ýoly ýagtylandyrýan şugla gördüm. Türmede sabyrlylygyñ diñe artykmaçlyk däl, rehimsiz ýaragdygyny öwrendim, edil deñizi damjalap içmek ýaly.

• "Türmelerden gorkmañ!"

Wesýetim şudur: Türmelerden gorkmañ, olar diñe azatlyga barýan uzyn ýolumyzyñ bir parçasydyr. Türme maña azatlygyñ diñe ogurlanan hak-hukukdan ybarat däldigini, horluklardan doglan we sabyr-takat bilen şekillenen pikirdigini öwretdi. 2011-nji ýylda "Wefa-ül Ahrar" ylalaşygy bilen azatlyga çykarylanymda öñkim ýaly däldim - ynanjym güýçlenipdi we edýän işimiziñ diñe geldi-geçer göreş däl-de, soñky damjasyna çenli götermeli ykbalymyzdygyna düşündim.
Wesýetim şudur: Ýaraga, pula durmaýan mertebäñize, ölmeýän arzuw-hyýalyñyza berk ýapyşyñ. Duşman bizi watan goragyndan el çekdirmäge, watan ugrundaky göreşimizi soñy ýok gepleşiklere öwürmäge mejbur ethek bolýar. Watan goragy diñe göterýän ýaragymyz däl, her demimizdäki Palestina bolan söýgimizdir. Gabawlara we basybalyjylykly çozuşlara garamazdan ýaşamaga bolan ymtylyşymyzdyr.

• "Gaza hemişe watan goragynyñ paýtagty bolup geldi

Wesýetim şudur: Şehitleriñ ganyna wepaly boluñ. Bize bu tikenekli ýoly miras galdyranlar gyrmyzy ganlary bilen azatlyga barýan ýolumyzy arçadylar. Syýasatyñ hasaplarynda we diplomatiki oýunlarsa bu pidakärlikleri boş ýere harçlamañ. Biz özümizden öñküleriñ başlan işini soñlamak üçin orta çykdyk we soñy nähili bolup gutarýanam bolsa ýolumyzdan dänmeris. Gaza hemişe watan goragynyñ paýtagty we Palestinanyñ ýeke sekunt hem säginmän urýan ýüregi bolup geldi. Mundan beýlägem şeýle bolmagynda galar.
2017-nji ýylda "Hamasyñ" Gazadaky gözegçiliginiñ başyna geçmegim diñe häkimiýet başyna gelmegi däl-de, daş-kesek bilen başlanan göreşiñ tüpeñ bilen dowam etmegi añladýardy. Her gün halkymyñ görýän kösençliklerini duýýardym we azatlyga tarap ädýän her bir ädimimiziñ gymmada düşýändigini bilýärdim. Ýöne size şuny aýdasym gelýär: Boýun egmegiñ netijesi mundan has erbet bolýar. Şonuñ üçin ýurduñyza kökleriñ topraga mäkäm ýapyşyşy ýaly ýapyşyñ, sebäbi ýaşamagy netine düwen halky hiç bir şemal goparyp zyñyp bilmez.

• "Aksa tupany" - azatlyga çykmagy arzuw eden her bir palestinalynyñ sesi

"Aksa tupany" operasiýasynda bir toparyñ ýa hereketiñ başlygy bolmadym, azatlyga çykmagy arzuw eden her bir palestinalynyñ sesi boldum. Watan goragynyñ diñe gelinen karar däl-de, mukaddes borçdugyna ynanýardym. Bu göreşiñ Palestin gaýtawulynyñ kitabynda täze sahypa bolmagyny, fraksiýalaryñ, toparlaryñ birleşmegini we hemmeleriñ duşmana garşy bir bitewi ýumruga öwrülmegini isledim. Duşman hiç mahalam nowça çagajyk bilen garry-gurtyny ýa-da daş bilen agajy seljerjek bolup durmady.
Yzymda goýup gitjek zadym maddy miras däl, azatlygy arzuw eden her bir palestinaly üçin şehit çagasyny bagryna basan enelerimiz üçin, gyzgyn gülle bilen öldürilen gyzyny ardurja elinden gideren atalarymyz üçin umumy mirasdyr.

• "Ýaraglaryñyzy taşlaýmañ!"

Soñky wesýetim şudur: Watan goragy ugrunda berilýän gaýtawulyñ boş däldigi, diñe atylan ýeke okuñ däl, ar-namysymyz we mertebämiz bilen ýaşan ömrümizdigi elmydama ýadyñyzda bolsun. Türme we gabaw maña göreşiñ uzaga çekjekdigini we ýolun kyn boljakdygyny öwretdi. Emma şol bir wagtyñ özünde boýun egmekden ýüz öwren halklaryñ öz elleri bilen mugjyzalary döredýändigini-de öwrendim. Dünýäden adalata garaşmañ, çünki men dünýäniñ biziñ çekýän horluklarymyza sesini çykarmaýandygyna şaýat bolan bolsam, sizem şaýat bolarsyñyz. Palestina arzuwyny ýüregiñizde göteriñ we her synañyza alan her bir ýarañyzdan ýarag, her döken gözýaş damjañyzdan umyt çeşmesini ediniñ.
Meniñ wesýetim şudur: Ýaraglaryñyzy taşlaýmañ, eliñizdäki daşlary ýere zyñaýmañ, şehitleriñuzi undaýmañ we hakyñyz bolan arzuw-hyýallaryñyzdan el çekäýmäñ! Biz şu ýerde, öz watanymyzda, ýüregimizde we çagalarymyzyñ geljeginde galarys.

• "Watan - gürrüñ berilýän hekaýat däl, başdan geçirmeli hakykatdyr"

Size wesýetim:
Ölümime çenli janym-tenim bilen baglanan Palestinama asla bükülmeýän dag deýin gerdenimde göteren arzuw-hyýallaryñyza eýe çykyñ. Eger ýykylsam, meniñ bilen bile ýykylmañ. Elimden gaçyrmadyk baýdagymy göteriñ we ganymy köpri edip, küllerimizden has güýçli bolup doguljak nesiller üçin ýol arçañ. Ýatdan çykarmañ, watan - gürrüñ berilýän hekaýat däl, başdan geçirmeli hakykatdyr we bu toprakdan dörän her bir şehit bilen birlikde müñlerçe watan goragçysy dörär.
Eger "Tupana" döwran dolansa, menem arañyzda bolmasam, azatlyk tolkunlarynyñ ilkinji damjalarynyñ mendigini we ýoluñyzy tamamlanyñyzy görmek üçin ýaşandygymy bilseñiz bolýar. Duşmanyñyzyñ bogazynda tegek boluñ, asla yza tesmeýän tupan boluñ. Dünýä biziñkiñ dogrudygyny we habarlar gepleşiklerinde gury statistiki sanlardan ybarat däldigimizi kabul edýänçä dek ýatmañ.

Mert SAGIT.

Ýekşenbe, 20.10.2024 ý.