08:43 Tire meñzedi | |
TIRE MEÑZEDI
Her naýynsabyñ gözleri Göýä ki tire meñzedi. Mydam gybatdyr sözleri Mysal hynzyra meñzedi. Bolupdyr şeýle zamana, Lukmalar döndi harama, Talañ salyp musulmana, Ogrular şire meñzedi. Gezmediler şerge garap, Bezendiler sakgal darap, Ak don geýip, selle orap, Her jögi pire meñzedi. Gitdi barçanyñ ynsaby, Ýada düşmän ölüm howpy, Ýa molla bolsun, ýa sopy, Haram harç iýre meñzedi. Bilmeýen ýagşy-ýamany, Atyp taşlarlar imany, Gozgazañ her musulmany, Ant-kasam diýre meñzedi. Güman sözler geldi dile, Niçe işler doly ile, Oşol melgun şeýtan bile, Deçjal ýörire meñzedi. Seýdi aýdar, bu haly, Sust boldy yslamyñ ýoly, Öwsüp kyýamat şemaly, Dag-daş erire meñzedi. Seýitnazar SEÝDI. | |
|
√ Gije hem gündiz / Goşgular - 07.02.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Moskwadan görýärler / Goşgular - 30.01.2024 |
√ Gowy görülen goşgy / Goşgular - 05.01.2024 |
√ Победителям / Goşgular - 29.02.2024 |
√ Atsyz goşgy / Goşgular - 31.01.2024 |
√ Düýş hem ýagyş / Goşgular - 09.01.2024 |
√ Tilki bilen üzüm / basnýa / Goşgular - 10.01.2024 |
√ Gökdepäm / Goşgular - 22.03.2024 |
√ «Отвергнув гордое сомненье…» / Goşgular - 29.02.2024 |
Teswirleriň ählisi: 1 | |
| |