Ulanylmaýan ukyplar

ULANYLMAÝAN UKYPLAR

Ynsan ogly aslynda dünýäde iň akylly jandar hasaplansa-da kemter gaýdýan ýerlerem az däl. Esasanam tehnologiýanyň ösmegi bizi kütekleşdiren ýaly. Biz gör näçe zada ukyply bolsagam olary ulanmagy unutdyk ýa-da ulanmagy "undan bolduk".
Meselem siz ynsanlara hemişe ýylgyryp bakýarsyňyzmy?!
Köçede garryja daýynyň ýarawsyz ýöräp barýanyny görseňiz işiňizi bir ýana goýup iň soňky gezek haçan kömek etdiňiz?
Nätanyş ýa-da tanyşlygyna seretmezden adamlar bilen süýji sözleşmegi başarýaňyzmy?
Iň soňky gezek kimdir biriniň aladalary bilen gyzyklananyňyz ýadyňyza düşýärmi?
Haçan mähribanlaryňyza olary gowy görýäniňizi duýdurdyňyz?
Özüňiziň bagtlydygyňyza şükür edýärsiňizmi has takygy özüňizi bagtly hasaplaýarsyňyzmy?
Öz bähbidiňizi hasaba alman kimdir birine ýagşylyk etmegi başarýaňyzmy?
Hakykatyň arkasynda durmak size endikmi?
Ýalan söz bilen araňyz nähili?
Bu soraglar her kimiň özünden soramaly zatlarymyka diýýän. Hiç kimiň bu soraglardan birahat bolmagy ýa-da akyl satmak üçin däl günümiziň üns çekmeýän ownujak aladasyna seslenmek üçin özünden şu zatlary sorap görmegini isleýän.
Hatda üstüne ýene kän sanlysy goşulyp bilner. Undulan ulanylmaýan ukyplarymyzy dikeltsek kalbymyzdaky durmuşa bolan höwesimiziň güýjäp ýaşaýşymyza many çaýmaga haýry degse gerek. Sebäbi ynsanyň bagtlylygy ilki bilen özgeleri bagtly etmekden gözbaş alýar.

Selbi AŞYROWA,
Türkmenistanyň Telekommunikasiýalar we informatika institutynyň talyby.