Gitme

GİTME


Gitme, gitseň günüm dogmaz ir säher,
Gitme, gitseň bahar dolanmaz gaýdyp.
Sensiz gama batar Daşoguz şäher,
Sensiz yşgym hakda ýazylmaz aýdym.

Gitseň goşgularym edilmez tankyt,
Bu ellerim asla tutmaz galamy.
Sen meniň göwnüme ýeke tesellim,
Sen—çynym içinde şunça ýalanyň.

Sen gitseň ýalňyz men garabaşyma,
Sensiz meni kynçylykly ýol ezýär.
Ýaş gider, yşk gider (goy gitse gitsin)
Ýöne sen bir gitmäweri poeziýa!