"DOSTUM, "SOÑKY DÖWÜR GÖRNEÑOK" DIÝME..."
Dostum, "soňky döwür görneňok" diýme,
"Gedaýçylyga-da gurp gerek " ahyr.
Şatlanyber, sen bir gam donuň geýme,
Umytsyz günlerim gutarar ahyr.
Onsaň öňküler deý ojak törüňe,
Ýylgyryp geçerin çagyrmasaňam.
Çöregiňi basyp hödür-şoruňa,
Ýatlamaryn ýürek agyrmasynam.
Ýene-de sagatlap söhbet ederis,
Tanaýanlarmyzy ýatlarys ýene,
Dünýämiziň dünýesine ýeteris,
Bir-birek mährinden gop berip tene.
Ynjalarsyň, görüp gara gözlermiň,
Gaýgysyz-ünjüsiz garaýanyny.
Samsyklaç däldigni eşdip sözlermiň,
Duýarsyň arsam-da armaýanymy.
Bilýän ýaly Allaň beren ýaşyny,
"Entekler ýol uzak" diýersiň hökman.
Häzir welin görüp eglen başymy,
Gürlemeli bolma ýüzüme bakman.
0
